प्रधानमंत्री श्री नरेन्द्र मोदी के संग वीडियो कांफ्रेंसिंग के समय मुख्यमंत्री ह दीन महत्वपूर्ण सुझाव
रायपुर, 11 मई 2020। मुख्यमंत्री श्री भूपेश बघेल ह प्रधानमंत्री श्री नरेन्द्र मोदी के संग वीडियो कांफ्रेंसिंग म कहिन के राज्य के भीतर आर्थिक गतिविधि मन के संचालन के निर्णय के अधिकार राज्य सरकार ल मिलना चाही। उमन कोरोना वायरस के रोकथाम अऊ राज्य मन म आर्थिक गतिविधि मन के संचालन अऊ श्रमिक अउ गांव वाले मन ल रोजगार मुहैया कराए के संबंध म महत्वपूर्ण उपयोगी सुझाव दीन। मुख्यमंत्री ह कहिन के कोरोना संक्रमण ल लेके रेड, ग्रीन अऊ ऑरेंज जोन के निर्धारण के दायित्व राज्य सरकार मन ल देहे जाना चाही। श्री बघेल ह कहिन के रेल सेवा शुरू होए ले अभी हाल स्थिति म बदलाव आही। मुख्यमंत्री ह कहिन के रेगुलर ट्रेन अऊ हवाई सेवा, अंतर राज्यीय बस परिवहन के शुरुआत राज्य सरकार मन ले विचार विमर्श करके लेहे जाना चाही। उमन श्रमिक मन के परिवहन बर एसडीएमआरसी मद ले राशि व्यय करे के अनुमति देहे के घलोक सुझाव दीन। वीडियों कांफ्रेंसिंग म आन राज्य मन के मुख्यमंत्री घलोक उपस्थित रहिन।