छत्तीसगढ़ म शुरू होही मुख्यमंत्री गोवंश मोबाइल चिकित्सा योजना

रायपुर, गोवंश बर उत्तम चिकित्सा सेवा के व्‍यवस्‍था करे खातिर मुख्यमंत्री श्री भूपेश बघेल के कहे के मुताबिक छत्तीसगढ़ म अब मुख्यमंत्री गोवंश मोबाइल चिकित्सा योजना के शुरुआत करे जाही। एकर पहिली चरण म हरेक जिला म एक या दू चिकित्सा वाहन ले ये योजना शुरू करे जाही। चरणबद्ध कार्यक्रम के तहत योजना के विस्तार करे जाही। राज्य के हरेक नागरिक बर उत्तम स्वास्थ्य सुनिश्चित करे बर विकासखंड ले लेके जिला मुख्यालय तक सर्वसुविधायुक्त शासकीय अस्पताल के संगें-संग मुख्यमंत्री स्लम स्वास्थ्य योजना अऊ मुख्यमंत्री हाट-बाजार क्लीनिक योजना के संचालन करे जात हे। एखर तहत मोबाइल मेडिकल यूनिट मन के माध्यम ले शहरी श्रमिक बस्‍ती ले लेके दूरस्थ अऊ दुर्गम स्थल मन म रहइया नागरिक मन तक बेहतर चिकित्सा सुविधा पहुंचाए जात हे।

अइसनहे अब पशुधन के संरक्षण अऊ संवर्धन के काम ल आगू बढ़ात गोवंश के उत्तम स्वास्थ्य बर घलोक मोबाइल चिकित्सा वाहन के उपयोग होवईया हे। जाही। अभी हाल म शासकीय पशु-चिकित्सालय मन के संगें-संग राज्य म सुराजी गांव योजना के तहत बने गोठान मन म घलोक पशुधन के स्वास्थ्य के देखभाल के व्यवस्था हे। बेहतर पशु स्वास्थ्य बर गौठान मन म चारागाह मन के घलोक विकास करे गए हे, ताकि पशु मन बर पौष्टिक चारा के व्यवस्था होत रहय। अब ये नवा योजना के माध्यम ले गोवंश के स्वास्थ्य सुविधा मन के अऊ जादा विस्तार होही। मुख्‍यमंत्री श्री भूपेश बघेल ह राज्य के मुख्य सचिव श्री अमिताभ जैन ल ये संबंध म लउहे जरूरी कार्यवाही ठउका करे ल कहे हें।