- 10 गांव मन के गौरवपथ के सड़क मन म ले 7 गांव के सड़क मन के काम होगे पूरा
- गली मनम चिखला अऊ धुर्रा के समस्या मन ले मनखे मन ल मिलीस निजात
- चिकित्सा सुविधा बर अब एम्बुलेंस घर तक पहुंच जथे
जशपुरनगर, दूरिहा-दुरिहा के गांव म मनखे मन ल आवागमन के सुविधा देहे खातिर मुख्यमंत्री ग्राम गौरवपथ योजना के तहत् छत्तीसगढ़ के अइसन जम्मो गांव के बस्ती मन म सीमेन्ट कॉक्रीट सड़क संग नाली निर्माण के काम कराए जात हे। छत्तीसगढ़ शासन के उददेश्य हे कि ग्राम पंचायत या ओखर आश्रित ग्राम जेमां गली मन म चिखला अऊ धुर्रा के समस्या रहिथे ओखर निराकरण करे जाए अऊ ग्रामीण क्षेत्र मन के मनखे मन ल सुविधा देहे जा सकय। एखर खातिर जिला के कि ग्राम पंचायत या ओखर आश्रित ग्राम मन म सीमेन्ट कॉक्रीट सड़क संग नाली निर्माण कराके ग्रामीण जनता ल बेहतर आवागमन के सुविधा प्रदान करे जाना हे।
इही कड़ी म मनोरा विकासखण्ड के ग्राम रखरसोता म मुख्य पी.डब्ल्यु.डी. मार्ग ले पंचायत भवन तक लंबाई 0.300 किमी सी.सी.सड़क सह नाली निर्माण करे गए हे। संगेच कांसाबेल विकाखण्ड के ग्राम जुमेकेला म मयटोली ले बस्ती तक लंबाई 0.200 किमी सी.सी.सड़क संग नाली निर्माण काम पूरा कर लेहे गए हे।
जानबा हे कि साल 2019-20 ले 2021-22 तक योजना अंतर्गत कुल 10 ग्राम गौरवपथ सड़क स्वीकृत होए हे। जेमा ले 7 सड़क पूरा हो गए हे। 3 सड़क म ले 2 सड़क के निविदा स्वीकृति प्राप्त करके अनुबंध करे गए हे। अनुबंध के बाद काम चालू होवत हे। पूरा बन गए सड़क मन ले कुल 07 म बसाहट लाभांवित होवत हे जेकर जनसंख्या करीबन 5167 हे। ग्रामीण क्षेत्र मन म गली गलियारा अउ मुख्य सड़क ले गांव पहुंचे बर सीमेंट कांक्रीट सड़क अउ नाली बनवाए गए हे। गांव मन के गली गलियारा म सीमेंट कांक्रीट सड़क मन के होए ले बरसात के समय चिखला होए के दुविधा ले अब मुक्ति मिल गए हे। मुख्य मार्ग ले गांव तक पहुंचे बर सी.सी.सड़क होए से चिकित्सा बर एम्बुलेंस अब घर तक पहुंच जथे। सड़क मन के संग नाली मन के बने ले घर के आगू गंदा पानी के जमाव नइ होवय। गंदा पानी के जमाव के सेती होवइया बीमारी ले अब मुक्ति मिलही। जेखर से गांव वाले मन ल स्वास्थ्य संबंधी अउ आन सुविधा मन के लाभ मिलत हे।