अब तक 1804 क्लीनिक लगाके करीबन 57277 मनखे मन ल स्वाथ्य लाभ देहे गए हे
अभी हाल म 60 हाट बजार म क्लीनिक लगाके ईलाज करे जात हे
जशपुरनगर, दुरिहा-दुरिहा केगांव मन म रहवईया मनखे मन तक चिकित्सा सुविधा उपलब्ध कराए के उददेश्य ले छत्तीसगढ़ शासन के महत्वकांक्षी योजना मुख्यमंत्री हाट बाजार क्लीनिक योजना के बेहतर संचालन करे जात हे। योजना के तहत् मोबाईल मेडिकल यूनिट के माध्यम ले स्वास्थ्य कर्मचारी मन हाट-बजार, दूरस्थ, पहाड़ी क्षेत्र मन संग आन भीड़-भाड़ वाले स्थान मन म कैम्प लगाके मनखे मन ल स्वास्थ्य सुविधा उपलब्ध करात हे। मनखे मन के खून के जांच, बीपी, शुगर, बुखार डायरिया, दस्त अऊ आन रोग ले ग्रसित मरीज मन के स्वास्थ्य जांच करके उपचार के सुविधा उपलब्ध कराए जात हे। हाट बजार मन म बेहतर स्वास्थ्य सुविधा मिले ले गांव वाले मन अऊ आमजन ल दूरिहा रेंग के स्वास्थ्य केंद्र म नइ जाए ल परत हे। मोबाईल मेडिकल यूनिट ले मिलत स्वास्थ्य सुविधा ले आमजन अऊबड़ उत्साहित हें। योजना के चालू ले अब तक हाट बजार मन म 1804 क्लीनिक लगाके 57277 मनखे मन के स्वास्थ्य जांच करे जा चुके हे।
जानबा हे कि जिला म कलेक्टर श्री रितेश कुमार अग्रवाल के मार्गदर्शन अऊ मुख्य चिकित्सा अऊ स्वास्थ्य अधिकारी के दिशा-निर्देश म जिला म चिन्हांकित 60 हाट बजार मन के माध्यम स्वास्थ्य जांच सरल करे जात हे। जिला म संचालित 02 एम.एम.यू. अऊ 08 आन वाहन के स्थानीय स्तर म व्यवस्था करके 10 डेडिकेटेट वाहन के संग 10 डेडिकेटेट चिकित्सकीय दल काम करत हे।
