जगदलपुर म मुख्यमंत्री हाट बाजार क्लीनिक योजना के तहत मरीज मन के होवत हे इलाज

बस्तर जिला म अब तक 33 हजार ले जादा मरीज मन के निशुल्क उपचार

जगदलपुर, मुख्यमंत्री हाट बाजार क्लीनिक योजना के अंतर्गत बस्तर जिला के हाट बाजार मन म मरीज मन के उपचार सरलग होवत हे। मुख्यमंत्री श्री भूपेश बघेल के विशेष पहल म बस्तर अऊ दंतेवाड़ा जिला म पायलट प्रोजेक्ट के रूप म मुख्यमंत्री हाट बाजार क्लीनिक योजना जून 2019 म शुरू करे गए रहिस, तब ले जिला के 47 हाट बाजार मन म मुख्यमंत्री हाट बाजार क्लीनिक लगाए जात हे। अब तक एखर तहत 33 हजार 167 मरीज मन के निःशुल्क उपचार करे जा चुके हे।

कलेक्टर डॉ. अय्याज तम्बोली ह बताइस कि साप्ताहिक हाट बाजार मन म डॉक्टर अऊ पैरामेडिकल टीम के ड्यूटी लगाए गए हे, जऊन निरधारित चार्ट के मुताबिक साप्ताहिक हाट बाजार मन म बइठके बाजार अवइया मरीज मन के निशुल्क उपचार करत हें। हाट बाजार क्लीनिक म मरीज मन के ना केवल उपचार करे जात हे भलुक बीपी, शुगर, मलेरिया आदि के जांच घलोक करे जात हे। एखर अलावा दाई मन अउ शिशु मन के टीकाकरण घलोक करे जात हे। उमन बताइन कि 21 जून 2019 ले दिसंबर 2019 तक बस्तर जिला म 33 हजार ले जादा मरीज मन के उपचार करे गए हे। एमां बकावंड विकासखंड के 7 हाट बाजार मन म 3801 अऊ बास्तानार विकासखंड के 58 बाजार मन म 8 हजार 476 मरीज मन के उपचार करे गए हे। अइसनहे बस्तर विकासखंड के 13 हाट बाजार मन म 6 हजार 455, दरभा विकासखंड के 4 हाट बाजार मन म 3 हजार 809, लोहण्डीगुड़ा विकासखंड के 8 बाजार मन म 5 हजार 980, जगदलपुर विकासखंड के 04 हाट बाजार मन म 2 हजार 266 अऊ तोकापाल विकासखंड के 6 हाट बाजार मन म 2 हजार 380 मरीजों के निःशुल्क उपचार करे गए हे।