मिलीस सुगर जांच के सुविधा, हाट बजार क्लिनिक म आके मेडिकल टीम ले लीस सलाह अऊ दवइ, अब स्वास्थ्य म सुधार
बीते हफ्ता 34 हाट बाजार क्लिनिक म 1900 ले जादा मरीज मन ल मिलीस स्वास्थ्य सुविधा, मार्च महिना म 7 हज़ार 336 मनखे मन ल निःशुल्क दवइ अऊ स्वास्थ्य जांच
क्लिनिक म हीमोग्लोबिन, ब्लड, शुगर, उच्च रक्त चाप अऊ मलेरिया के जांच के सुविधा मिलिस
कोरिया, मुख्यमंत्री हाट बाजार क्लिनिक योजना, अइसन योजना ये जेन ह स्वास्थ्य सुविधा के उपलब्धता के परिभासा बदल देहे हे। ग्रामीण क्षेत्र मन म साप्ताहिक हाट बजार मन म मोबाइल मेडिकल यूनिट पहुंच के मनखे मन ल दवइ अऊ स्वास्थ्य जांच के सुविधा मुहैया करावत हे। जेखर से जब मनखे अपन परिजन के संग हफ्ता म हाट बर आथें त संगेच म निःशुल्क इलाज के सुविधा घलोक पावत हें।
हाट बाजार क्लिनिक म सरलग आके बने होए कल्लूराम बताथे कि ओ ह बैकुंठपुर के ग्राम छिंदडा़ड म लगइया साप्ताहिक हाट बाजार म जाथे। हाट बाजार क्लीनिक म वो ह डायबिटीज के जांच करवाथे। आज ओखर डायबिटीज लेवल 150 के करीब हे। ओ ह करीबन हर 15 दिन के अंतराल म आथे अऊ अपन डायबिटीज चेक करा के निःशुल्क मेडीसीन ले जाथे। शुरु म जब कल्लूराम ह अपन चेकअप करवाइस, तब डायबिटीज लेवल 200 ले 250 के बीच रहत रहिस फेर अब मुख्यमंत्री हाट बाजार क्लीनिक म मेडिकल टीम के आहार के बारे म जानकारी, स्वच्छता, रहन-सहन के बारे म मिले सलाह ले डायबिटीज नियंत्रण म हे। कल्लूराम बताथे कि ओ ह अब पहिली ले बेहतर अऊ सुरक्षित महसूस करत हे। आर्थिक स्थिति कमजोर होए के सेती टेस्ट कराए म जेन दिक्कत रहिस, ओखर घलोक समाधान हो गए हे अऊ दवइ घलोक निःशुल्क मिलत हे।
अइसनहे अनुभव खरवत के रहइया 22 बछर के रितेश के घलोक हे। रितेश के 3 महिना पहिली एक्सीडेंट होए रहिस, जेन ईलाज के बाद ठीक घलोक हो गे, फेर कुछ घाव ठीक होए बर बाकी हे। एखर बर ओ ह सप्ताहिक हाट बाजार क्लीनिक म आथे जिहां ओ ल ड्रेसिंग के सुविधा मिल जाथे। बीच के दिन बर ड्रेसिंग बर क्लिनिक ले जरूरी चिकित्सकीय सामान मिल जाथे। ए प्रकार ले रितेश ल अपन घर के तीरेचच जम्मो स्वास्थ्य सुविधा मिल जाथे। रितेश के कहती मुख्यमंत्री हाट बाजार क्लीनिक योजना ग्रामीण क्षेत्र के रहइया मनखे मन बर वरदान हे। ये मां करीबन सबो प्रकार के सामान्य बीमारी मन के दवई तको मिलजाथे, अऊ स्वास्थ्य जांच घलोक हो जाथे। एखर से समय अऊ आर्थिक बचत दुनों हो जाथे।
बीते हफ्ता 34 हाट बाजार क्लिनिक म 1900 ले जादा मरीज मन ल स्वास्थ्य सुविधा
मिले हे। मुख्यमंत्री हाट बाजार क्लिनिक योजना के तहत जिला म बीते हफ्ता 25 मार्च ले 31 मार्च तक 34 34 हाट बाजार म मेडिकल टीम पहुंचीस जिहां 1907 मनखे मन ल स्वास्थ्य सुविधा मुहैया कराए गीस। मार्च महिना म 148 हाट बाजार म मेडिकल टीम पहुंचीस। एमां 7 हज़ार 336 मनखे मन ल निःशुल्क दवइ अऊ स्वास्थ्य जांच करे गीस। क्लिनिक म हीमोग्लोबिन, ब्लड, शुगर, उच्च रक्त चाप अऊ मलेरिया के जांच तको करे जात हे।
मुख्यमंत्री हाट बाजार क्लीनिक म कल्लू राम होईस चंगा
