मुख्यमंत्री ह शहीद वीर नारायण सिंह स्मारक अउ मानव संग्रहालय के करिन ई-शिलान्यास

नवा रायपुर के पुरखौती मुक्तांगन म 25 करोड़ 66 लाख रूपिया के लागत ले बनही स्मारक अऊ संग्रहालय

रायपुर, 09 अगस्त 2020। मुख्यमंत्री श्री भूपेश बघेल ह आज विश्व आदिवासी दिवस म नवा रायपुर के पुरखौती मुक्तांगन म 25 करोड़ 66 लाख रूपिया के लागत ले बनइया शहीद वीर नारायण सिंह स्मारक अउ संग्रहालय के वीडियो कॉन्फ्रेंसिंग के संग ई-शिलान्यास करिन। मुख्यमंत्री श्री बघेल अपन निवास कार्यालय ले ये कार्यक्रम म सामिल होइन। उमन ये बेरा म आदिवासी समाज ल बधाई अऊ शुभकामना दीन। कार्यक्रम म आदिम जाति अऊ अनुसूचित जाति विकास मंत्री डॉ. प्रेमसाय सिंह टेकाम, खाद्य अउर नागरिक आपूर्ति मंत्री श्री अमरजीत भगत, उद्योग मंत्री श्री कवासी लखमा, कृषि मंत्री श्री रविन्द्र चौबे, गृह मंत्री श्री ताम्रध्वज साहू, वन मंत्री श्री मोहम्मद अकबर, महिला अउर बाल विकास मंत्री श्रीमती अनिला भेंड़िया, राजस्व मंत्री श्री जयसिंह अग्रवाल अऊ नगरीय विकास मंत्री डॉ. शिव कुमार डहरिया, संसदीय सचिव सुश्री शकुंतला साहू, श्री चिंतामणि महाराज अऊ जशपुर विधायक विनय भगत, राज्य खनिज विकास निगम के अध्यक्ष श्री गिरीश देवांगन बहुत अकन जनप्रतिनिधि, मुख्य सचिव श्री आर.पी. मण्डल संग बहुत अकन प्रशासनिक अधिकारी उपस्थित रहिन।