मुख्यमंत्री श्री भूपेश बघेल ह दाई-दीदी क्लिनिक अऊ श्री धनंवतरी जेनरिक मेडिकल स्टोर के करिस निरीक्षण

रायपुर, मुख्यमंत्री श्री भूपेश बघेल ह काली नगरीय प्रशासन अऊ विकास विभाग कोति ले संचालित दाई-दीदी क्लीनिक अऊ श्री धनंवतरी जेनरिक मेडिकल स्टोर योजना के निरीक्षण करिन। ये बेरा म कृषि मंत्री श्री रविंद्र चौबे, नगरीय प्रशासन मंत्री श्री शिव कुमार डहरिया, वन मंत्री श्री मोहम्मद अकबर, विधायक अऊ छत्तीसगढ़ राज्य गृह निर्माण मंडल के अध्यक्ष श्री कुलदीप जुनेजा, महापौर श्री एजाज ढेबर अऊ श्री सचिन राव घलोक ऊंखर संग रहिन।
निरीक्षण के समय दाई-दीदी क्लिनिक योजना के संबंध म संचालित मोबाइल मेडिकल यूनिट म कार्यरत डॉ. तृप्ति पाणिग्रही ह बताइस कि ये योजना के उद्देश्य स्लम अऊ अइसन नगरीय जनसंख्या ल चिकित्सा सुविधा उपलब्‍ध कराना हे जिंकर पहुंच अस्पताल तक नइ हो पाए। ये महिला मन बर पूरा महिला कर्मचारी मन कोति ले संचालित यूनिट हे, जेखर से महिला मन बिना कोनो संकोच के बेहतर स्वास्थ्य लाभ ले पात हें। उमन बताइन कि अब तक ये मोबाइल यूनिट म 266 शिविर के माध्यम ले 16 हजार 491 मरीज मन ल इलाज मुहैय्या कराए गए हे। ये यूनिट म 41 प्रकार के मेडिकल जांच के सुविधा उपलब्‍ध हे, जेखर से अब तक 3 हजार 846 टेस्ट करे गे हे।
मुख्यमंत्री ह सुभाष स्टेडियम कॉम्प्लेक्स म शुरू होवइया श्री धनवंतरी जेनरिक मेडिकल स्टोर के घलोक अवलोकन करिन। ये बेरा म जानकारी देहे गीस कि योजना के तहत राज्य म 20 अकटूबर ले 59 मेडिकल स्टोर के शुभारंभ होही। ए मेडिकल स्टोर्स ले नागरिक मन ल कम से कम 50 प्रतिशत अऊ सबले अधिक 71 प्रतिशत छूट म दवई मन के बिक्री करे जाही। योजना के तहत 169 शहर मन म 190 मेडिकल स्टोर्स चालू करे के योजना हे। ए मेडिकल स्टोर्स म 251 प्रकार के जेनरिक दवई अऊ 27 सर्जिकल उत्पाद के बिक्री अनिवार्य होही। एखर अलावा वन विभाग के संजीवनी के उत्पाद, सौंदर्य के साधन अऊ शिशु आहार आदि के विक्रय करे जाही।
ये बेरा म मुख्यमंत्री के अपर मुख्य सचिव श्री सुब्रत साहू, कृषि विभाग के विशेष सचिव डॉ. एस. भारतीदासन, कलेक्टर रायपुर श्री सौरभ कुमार, वरिष्ठ पुलिस अधीक्षक श्री प्रशांत अग्रवाल अऊ नगर निगम रायपुर के आयुक्त श्री प्रभात मलिक संग आन वरिष्ठ प्रशासनिक अधिकारी उपस्थित रहिन।