बिहाव आयोजन म अब नई होए परेसानी – गरीब परिवार के बेटी मन के धूम-धाम ले बिहाव करे के सपना होही पूरा
रायपुर, नेहा राठौर के खबर/ राज्य सरकार द्वारा मुख्यमंत्री कन्या विवाह योजना के अनतरगत सहायता राशि 25 हजार रूपिया ले बढ़ाके 50 हजार रूपिया कर दिए गए हे। ए साल 2023-24 ब निकाले गए बजट म ए योजना ब 38 करोड़ रूपिया के प्रावधान करे गए हे। एकर से कतको परिवार मन के अपन बेटी मन के धूम-धाम ले बिहाव करे से सपना ह पूरा होही।
मुख्यमंत्री श्री भूपेश बघेल के नेतृत्व म राज्य सरकार ह योजना के तहत राशि म दू घ ले बढ़ोतरी करे हे। श्री बघेल ह मुख्यमंत्री के रूप म पदभार ग्रहण करे के बाद प्रस्तुत पहिलिएच बजट म ही बेटी मन के बिहाव ल प्राथमिकता देत हे अउ साल 2019 म विवाह अनतरगत देहे जाए वाले अनुदान राशि ल 15 हजार रूपिया ले बढ़ाके 25 हजार रूपिया के दिए रहिस हे। अब ए पईसा 25 हजार ले बढ़ाके 50 हजार रूपिया कर दिए गईस हे।
साल 2019 की तुलना म निर्धारित बजट राशि ल घलो 19 करोड़ रूपए ले बढ़ाके 38 करोड़ रूपिया के देहे हे। एकर से कई परिवार मन म बेटी के बिहाव के चिंता ह दूरिहा होइस हे। कतको अइसे परिवार हे जेमन के घर म पईसा के कमी के सेती बेटी मन के बिहाव करे ह चिंता के बिसय बने रहए। अइसे कठिन परिस्थिती म राज्य सरकार मुख्यमंत्री कन्या विवाह योजना के तहत बेटी के बिहाव ब सहायता करथे। महिला एवं बाल विकास विभाग द्वारा संचालित ए योजना के उद्देश्य गरीब परिवार मन ल कन्या के बिहाव म होए वाले आर्थिक परेशानी ले मुक्ति देना हे।
योजना के अनतरगत गरीबी रेखा ले खाल्हे जीवन-यापन करे वाले परिवार अउ मुख्यमंत्री खाद्यान्न योजना अनतरगत कार्डधारी परिवार के 18 बछर ले जादा आयु के दू झन बेटी मन ल आर्थिक सहायता दिए जाथे। एमा बर-बधु के सिंगार के समान अउ रोज के उपयोग के समान भेंट के रूप म दिए के संग बैंक ड्रॉफ्ट के माध्यम ले रूपिया घलो दिए जाथे। सामूहिक बिहाव आयोजन व्यवस्था ब घलो पईसा सरकार ह लगाथे। योजना के अनतरगत बिधवा, अनाथ, निराश्रित कन्या मन ल घलो सामिल करे गए हे। योजना के लाभ लिए ब जिला महिला एवं बाल विकास अधिकारी/जिला कार्यक्रम अधिकारी कार्यालय म संपर्क करे जा सकत हे। विकास खंड स्तर म बाल विकास परियोजना अधिकारी चाहे एकीकृत बाल विकास अधिकारी ले संपर्क कर सकत ह। योजना के संबंध म अपने क्षेत्र के आंगनबाड़ी कार्यकर्ता मन करा घलो जानकारी लिए जा सकत हे।
