मुख्यमंत्री कन्या विवाह योजना म साढ़े सात हजार कन्या के विवाह के लक्ष्य

बजट म दूगुन वृद्धि करत हुए 38 करोड़ रूपिया आबंटित
गरीब परिवार के हर बेटी के बिहाव म व्यय करे जाही 50 हजार रूपिया के राशि
विवाह के मउका म कन्या ल मिलही 21 हजार रूपिया के ड्रॉफ्ट अउ 15 हजार रूपिया के उपहार
रायपुर, छत्तीसगढ़ म गरीब परिवार के बेटी के शादी अब पूरा सम्मान के संग होही। मुख्यमंत्री श्री भूपेश बघेल के पहल म मुख्यमंत्री कन्या विवाह योजना के राशि अब बढ़ा के 50 हजार रूपिया कर दीए गए हे। बिहाव के अवसर म प्रत्येक कन्या ल 21 हजार रूपिया के राशि बैंक खाता या बैंक ड्रॉफ्ट के रूप म दीए जाही। एकर अलावा 15 हजार रूपिया के राशि के उपहार तको दिए जाही। चालू वित्तीय वर्ष म प्रथम छमाही म तीन हजार कन्या अउ वार्षिक आधार म 07 हजार 500 कन्या के विवाह के लक्ष्य निर्धारित करे गए हे, एकर से कई निर्धन परिवार के अपन बेटि मन के सम्मानजनक रूप ले बिहाव के सपना पूरा हो सकही।
मुख्यमंत्री कन्या विवाह योजना म प्रत्येक कन्या ल विवाह आयोजन व्यवस्था अउ परिवहन ब प्रति कन्या 8 हजार रूपिया, एकर साथ बिहाव के मौका म वर-वधु के कपडा, श्रृंगार सामग्री इत्यादि ब 6 हजार रूपिया खरचा करे जाही अउ विवाहित जोडा ल 15 हजार रूपिया के उपहार सामग्री तको भेंट करे जाही।