- मुख्यमंत्री के गिलौली ल झोंकिन: जुलाई महिना म छत्तीसगढ़ आए के दीन हूंकारू
- मुख्यमंत्री श्री बघेल ह श्री अभिजीत बनर्जी ल दीन पुरस्कार बर बधाई
- छत्तीसगढ़ के आर्थिक विकास उपर होइस चर्चा
- प्रो. बनर्जी ह छत्तीसगढ़ सरकार के नवाचार अऊ ग्रामीण विकास के योजना मन ल सहराइन
रायपुर, 17 फरवरी 2020। मुख्यमंत्री श्री भूपेश बघेल के अमेरिका प्रवास के समय बोस्टन म एमआईटी केम्ब्रिज म नोबल पुरस्कार विजेता श्री अभिजीत बनर्जी ले उंकर सौजन्य मुलाकात होइस। मुख्यमंत्री श्री भूपेश बघेल ह अर्थशास्त्री श्री अभिजीत बनर्जी ल नोबल पुरस्कार मिले म बधाई अऊ शुभकामना दीन।
ए साल अर्थशास्त्र के नोबल पुरस्कार विजेता प्रो. अभिजित बनर्जी के संग मुख्यमंत्री श्री भूपेश बघेल ह अपन टीम के संग छत्तीसगढ़ राज्य के आर्थिक विकास के कई ठन प्रयोग मन उपर विस्तार ले चर्चा करिन। चर्चा के समय श्री बघेल ह छत्तीसगढ़ के अभिनव परयोग नरवा, गरुवा, घुरुवा अऊ बाड़ी, हॉट बाजार क्लिनिक योजना, सुपोषण अभियान अऊ एथेनाल प्रोजेक्ट विषय मन उपर विस्तार ले बातचीत करिन। प्रो. बनर्जी ह छत्तीसगढ़ सरकार के ए हरेक उदीम मन ल सहराइन। प्रो. बनर्जी ह नवाचार मन के ए सफल प्रयोग मन उपर प्रसन्नता व्यक्त करत आर्थिक विकेन्द्रीकरण बर विशेष चिन्हित इलाका मन ल क्लस्टर अप्रोच ले डिजाइन करे अउ मॉनिटरिन्ग म जोर दीन। उमन छत्तीसगढ़ आके प्रयोग मन ल देखे के मुख्यमंत्री के अनुरोध ल स्वीकार करत जुलाई के आस पास राज्य म आए के सहमति घलोक दीन। प्रो बनर्जी के सहयोगी मन के संग मुख्य सचिव श्री मंडल, अपर मुख्य सचिव श्री सुब्रत साहू, मुख्यमंत्री के प्रमुख सचिव श्री गौरव द्विवेदी, मुख्यमंत्री के सलाहकार श्री प्रदीप शर्मा अउ हार्वर्ड विश्वविद्यालय म अध्ययन करत प्रदेश के सचिव सुश्री एम् गीता घलोक उपस्थित रहिन। लगभग डेढ घंटा के ए गोठबात के बाद प्रो. बनर्जी ह अपन हस्ताक्षर के संग अपन किताब घलोक मुख्यमंत्री ल भेट करिन।
