- मुख्यमंत्री ह वरिष्ठ पत्रकार श्री रमेश नैयर अऊ श्री महावर ल करिन सम्मानित
- मुख्यमंत्री ह ‘कर्मवीर’ के सौ साल पुस्तिका के करिन विमोचन
रायपुर, 24 फरवरी 2020। मुख्यमंत्री श्री भूपेश बघेल ले आज इहां ऊंखर निवास कार्यालय म माधवराव सप्रे स्मृति समाचार पत्र संग्रहालय अउ शोध संस्थान भोपाल के संस्थापक-संयोजक श्री विजय दत्त श्रीधर के नेतृत्व म प्रतिनिधि मंडल ह मुलाकात करिन। ये बेरा म संस्थान कोति ले मुख्यमंत्री श्री बघेल ल छत्तीसगढ़ के धरती म महात्मा गांधी के ग्राम स्वराज के अवधारणा ल दिए जात मूर्त रूप बर उंखर शॉल अऊ श्रीफल अऊ अभिनंदन पत्र भेंटके अभिनंदन करिन।
ये बेरा म सप्रे संग्रहालय ले अड़बड़ दिन ले जुड़े वरिष्ठ विधायक श्री सत्यनाराण शर्मा संग निदेशक सप्रे संग्रहालय डॉ. मंगला अनुजा, रायपुर के वरिष्ठ पत्रकार श्री रमेश नैयर, वरिष्ठ साहित्यकार श्री गिरीश पंकज अऊ लेखक डॉ. शंकर प्रसाद श्रीवास्तव आदि उपस्थित रहिन।
