रायपुर, 09 मई 2020। मुख्यमंत्री श्री भूपेश बघेल ह कई राज्य के अइसे श्रमिक जऊन छत्तीसगढ़ ले होके अपन राज्य म जावत हें, ऊंखर बर भोजन अऊ पानी के व्यवस्था के संग ओ मन ल राज्य के सीमा तक पहुंचाए बर जरूरी व्यवस्था के हुकुम सबो जिला कलेक्टर मन ल देहे हें।
मुख्यमंत्री श्री बघेल ह कहे हें के छत्तीसगढ़ ले होके आन राज्य म जवइया श्रमिक मन ल परेशानी झन होवय एकर पूरा ध्यान रखे जाय। मुख्यमंत्री श्री बघेल के निर्देशन म जल्दी पहल करत रायपुर जिला कलेक्टर ह रायपुर म श्रमिक मन बर भोजन-पानी संग जरूरी व्यवस्था शुरू घलोक कर देहे हे।
