श्री बघेल ह ‘डोनेशन ऑन व्हील’ वाहन ल चिनहा सरूप भेंट करिन कुछ पैकेट
रायपुर, 29 अप्रैल 2020। मुख्यमंत्री श्री भूपेश बघेल ह छत्तीसगढ़ के लोक कलाकार मन बर ‘डोनेशन ऑन व्हील अभियान’ के तहत राशन के 1000 पैकेट भेंट करिन। उमन आज बिहनिया अपन निवास म डोनेशन ऑन व्हील अभियान के वाहन ल चिनहा स्वरूप कुछ पैकेट अपन हाथ ले भेंट करिन। कृषि मंत्री श्री रविंद्र चौबे घलोक ये बेरा म उपस्थित रहिन।
मुख्यमंत्री श्री बघेल जउन राहत पैकेट दीन हें तेमा 5 किलो चावल, 1 किलो दाल, 2 किलो आटा, आधा किलो नमक, हल्दी, एक साबुन अऊ बिस्कुट सामिल हे। राशन के ये पैकेट लोक कलाकार मन ल बांटे जाही।
स्मार्ट सिटी के जी.एम. कम्युनिकेशन श्री आशीष मिश्रा के बताती डोनेशन ऑन व्हील अभियान के तहत दानवीर शहरवासी मन ले सकेले गए राशन के अभी तक 37000 पैकेट जरूरतमंद मनखे मन ल उपलब्ध कराए गए हे। अइसनहे करीबन ढाई लाख मनखे मन ल कोरोना संकट के ये बेरा म भोजन कराए जात हे।
