केंद्र सरकार के एडवाइजरी के मुताबिक कार्रवाई करे के दीन हुकुम
कोरोना वायरस ले निपटे बर करिन इंतजाम मन के समीक्षा
परीक्षा म न ल छोड़के स्कूल अऊ कॉलेज मन ल 31 मार्च तक बंद करे के लेहे गीस निर्णय
मनखे मन ल सजग रहे अऊ शासकीय कार्यक्रम मन म भीड़-भाड़ ले बचे के दीन हिदायत
रायपुर, 12 मार्च 2020। मुख्यमंत्री श्री भूपेश बघेल आज संझौती दिल्ली ले लहुटतेच अपन निवास कार्यालय म आपात बैठक लेके प्रदेश म कोरोना वायरस ले निपटे बर करे ग ए तियारी अऊ इंतजाम मन परखर समीक्षा करिन। बैठक म मुख्यमंत्री ह स्वास्थ्य विभाग ल कोरोना वायरस ले बचाव बर बने इंतजाम करे अउ सरलग समीक्षा अऊ निगरानी करे के हुकुम देहे हें। भारत सरकार कोति ले कोरोना वायरस ल लेके जारी करे गए एडवाइजरी के तारतम्य म बैठक म प्रदेश म परीक्षा मन ल छोड़के सबो स्कूल अऊ कॉलेज मन ल अवइया 31 मार्च तक बंद करे के निर्णय ले गीस। परीक्षा अपन निरधारित समय-सारणी के मुताबिक आयोजित करे जाही। बैठक म मनखे मन ल सजग अऊ जागरूक रहे अऊ शासकीय कार्यक्रम मन म भीड़-भाड़ ले बचे के हिदायत घलोक देहे गीस। कोरोना ले बचाव बर स्वास्थ्य विभाग कोति ले जारी एडवाइजरी के व्यापक प्रचार-प्रसार घलोक करे के निर्देश मुख्यमंत्री ह विभागीय अधिकारी मन ल देहे हें।
