पशुपालक ग्रामीन, गौठान ले जुड़े महिला समूह अउ गौठान समिति ल 5 करोड़ 32 लाख रूपिया के राशि ऑनलाइन जारी

रायपुर, नेहा राठौर के खबर/ मुख्यमंत्री श्री भूपेश बघेल ह आज अपन निवास कार्यालय ले गोधन न्याय योजना के अनतरगत पशुपालक ग्रामीन, गौठान ले जुड़े महिला समूह अउ गौठान समिति ल 5 करोड़ 32 लाख रूपिया के राशि ऑनलाइन जारी करिस।
एकर अनतरगत 16 मार्च ले 31 मार्च तक बिसाए गए 1 लाख 45 हजार क्विंटल गोबर के बदला म 2 करोड़ 91 लाख रूपिया के भुगतान करे के संग ही गौठान समिति मन ल 1.43 करोड़ रूपिया अउ महिला समूह मन ल 98 लाख रूपए के लाभांश राशि घलो सामिल हे।
ए अवसर म कृषि मंत्री श्री रविन्द्र चौबे, उद्योग मंत्री श्री कवासी लखमा, मुख्यमंत्री के सलाहकार श्री विनोद वर्मा, छत्तीसगढ़ राज्य खनिज विकास निगम के अध्यक्ष श्री गिरीश देवांगन, राज्य गौ सेवा आयोग के अध्यक्ष महंत रामसुंदर दास कृषि विभाग के विशेष सचिव डॉ. अय्याज एफ. तम्बोली मुख्यमंत्री निवास म उपस्थित रहिन हे संग म मुख्यमंत्री के सलाहकार श्री प्रदीप शर्मा अउ राज्य नोडल अधिकारी RIPA श्री गौरव सिंह वीडियो कांफ्रेंसिंग के सहायता ले जुड़े रहिन हे।
मुख्यमंत्री श्री बघेल ह कहिस के गोधन न्याय योजना म हमन निरंतर सफलता पाए हन , लेकिन स्वावलंबी गौठान मन के संख्या म जेन तेजी ले बढ़ोतरी होइस हे, ओ ह हमर सबले बड़े उपलब्धि आए, काबर के ए योजना के मुख्य उद्देश्य हर ही अपन गांव आर्थिक रूप ले स्वावलंबी बनाना हे। गोबर विक्रेता मन ल दिए जाए वाले राशि म ले 01 करोड़ 67 लाख रुपिया स्वावलंबी गौठान कती ले स्वयं भुगतान करे जाथे। जबकि विभाग डहर ले 01 करोड़ 24 लाख रुपिया के भुगतान करे जाथे। गौठान समितिय मन ल स्वावलंबन ब प्रोत्साहित करे ब हमन ह स्वावलंबी गौठान समिति के अध्यक्ष मन ल 750 रुपिया अउ सदस्य मन ल 500 रुपिया हर महीना प्रोत्साहन राशि देहे के निर्णय लिए हन।
किसान भई मन ल ए खुश खबर आघू ले मिल गए होही के आए वाले नवंबर महीना ले अब 20 क्विंटल प्रति एकड़ के मान ले धान के खरीदी करे जाही।
इसने राजीव गांधी ग्रामीण भूमिहीन कृषि मजदूर न्याय योजना के घलो अब विस्तार कर दिए गए हे। अब नगर पंचायत मन अउ अनुसूचित क्षेत्र के नगर पालिका मन के भूमिहीन कृषि मजदूर मन ल घलो ए योजना के लाभ मिलही। ए योजना के लाभ लिये ब भूमिहीन कृषि मजदूर 15 अप्रैल तक आवदेन कर सकत हे।
01 अप्रैल ले गांव मन म सामाजिक-आर्थिक सर्वेक्षण घलो चालू के दिए गए हे , काबर के 2011 के बाद ले जनगणना नई हो सके हे। ए सर्वेक्षण ले नवा हितग्राही मन के घलो जानकारी मिलही अउ ओमन ल घलो अवास, गैस सिलेंडर, शौचालय जईसे योजना मन के लाभ मिल पाही।
01 अप्रैल ले ही शिक्षित बेरोजगार मन करा ले बेरोजगारी भत्ता ब आवेदन घलो लेहे के चालू के देहन । एकर ब ओमन ल ऑन लाइन आवेदन करे के सुविधा घलो दिए गए हे। पहिलिच दिन 6000 ले जादा बेरोजगार मन के आवेदन मिले हे, जेला ओईच दिन मंजूर घलो कर लिए गए हे।
आज ए कार्यक्रम के माध्यम ले जेन किसान मन, गोबर विक्रेता मन, पशुपालक मन, गौठान समिति अउ स्व सहायता समूह मन के खाता म राशि ह भेजात हे ,ओमन सब ल बहुत बधाई ।