मुख्यमंत्री ह जशपुर जिला के बिसेस पिछडे़ जनजाति ’पहाड़ी कोरवा’ अउ ’बिरहोर’ जनजाति के 142 युवा मन ल सहायक शिक्षक के पद म प्रदान करे गईस नियुक्ति पत्र
मुख्यमंत्री ह बगीचा म आयोजित भेंट-मुलाकात कारिकरम म बिसेस पिछडे़ जनजाति के युवा मन ल नौकरी दिए के घोषणा करे रहिस हे
वर्चुअल माध्यम ले आयोजित करे गइस कारिकरम
प्रदेश म अभी तक ले बिसेस पिछडे़ जनजाति के 708 युवा मन ला दिए गए रहिस हे नौकरी
रायपुर, नेहा राठौर के खबर/ मुख्यमंत्री श्री भूपेश बघेल ह आज इहां अपन निवास आयोजित कारिकरम म जशपुर जिला के विशेष पिछडे़ जनजाति ’पहाड़ी कोरवा’ अउ ’बिरहोर’ जनजाति के 142 युवा मन ल सहायक शिक्षक के पद म नियुक्ति पत्र के वर्चुअल रूप ले वितरण करे गए रहिस हे।
मुख्यमंत्री श्री भूपेश बघेल ह बगीचा म भेंट-मुलाकात म पिछडा जनजाति के युवा मन ल सीधा भर्ती के पद म नियुक्ति देवाए के घोषणा करे रहिस हे। जेमा अमल करत हुए आज 142 युवा मन ल नियुक्ति पत्र के वितरण करे गईस।
मुख्यमंत्री ह वीडियो कॉन्फ्रेंस के माध्यम ले युवा मन ल संबोधित करते हुए कहिस के शिक्षा ही हे एक अइसे माध्यम हे, जेन ह जीवन म परिवर्तन लागथे। शिक्षा हर ही आघू बढ़े के मारग देखाथे।
श्री बघेल ह किहिस के तुमन ह विपरीत परिस्थिति म पढ़ई लिखई करे ब।तुमन के माता-पिता के आशीर्वाद घलो तुमन के संग रहिस हे। आपमन ह शिक्षक बने ह, मन लगाके लइका मन ल पढ़ावा अउ जेकर ले लईका मन के भविष्य ह बेहतर बनए।
मुख्यमंत्री निवास म ए अवसर म आदिम जाति विकास मंत्री डॉ. प्रेम साय सिंह टेकाम, उद्योग मंत्री श्री कवासी लखमा अउ आदिम जाति विकास विभाग के संचालक श्रीमती शम्मी आबिदी घलो उपस्थित रहिन हे। संसदीय सचिव श्री यू.डी. मिंज अउ विधायक श्री विनय भगत कारिकरम इस्थल ले वर्चुअल माध्यम ले जुड़े रहिस हे।
