करोना वायरस ले दुनिया ल निजात देवाए के करव दुआ
रायपुर, 9 अप्रैल 2020।, मुख्यमंत्री श्री भूपेश बघेल ह राज्य के सबो मुस्लिम भाई मन ले कोरोना वायरस के संक्रमण के रोकथाम बर सोशल डिस्टेंसिंग के पालन करत शब-ए-बरात के इबादत घरे म करे के अपील करे हें।
मुस्लिम भाई मन के नाम जारी अपन अपील म मुख्यमंत्री श्री बघेल ह कहे हें के शब-ए-बरात जऊन ल बड़े रात कहे जाथे ये रात म मुस्लिम भाई मन मस्जिद मन म सामूहिक रूप म विशेष नमाज अदा करे के संगेच अपन इलाका के मजार अऊ कब्रिस्तान मन म जाके फातिहा अऊ अपन मरहूमीन के बख्शीश के दुआ करथें। उमन कहे हें के कोरोना संक्रमण के सेती अभी के हालात म मस्जिद, मजार अऊ कब्रिस्तान मन म एक संग अड़बड़ झन मनखे मन के सकलाना उचित नइ हे, अभी हाल के स्थिति ल देखत ये जरूरी हे के ये पवित्र रात ल हम अपन मरहमीन मन बर अपन घर ले ही फातिहा अऊ ईसाले सबाब करन।
मुख्यमंत्री श्री भूपेश बघेल ह वैश्विक महामारी के रूप ले लेहे कोरोना वायरस के संक्रमण ले देश-दुनिया ल निजात मिलय, एखर बर मुस्लिम भाई मन ल दुआ करे के अपील करे हें।
