ग्रामीण अर्थव्यवस्था ल आघू बढ़ाए के विशिष्ट पहल ब विश्व प्रसिद्ध सोरबोन यूनिवर्सिटी ऑफ पेरिस ह दीस डॉक्टोरेट के उपाधि
फ्रांस के कार्यक्रम ’ग्लोबल अवार्ड्स 2023’ म संघरिस मुख्यमंत्री।
जे मन ह अपन श्रम अउ मेहनत ले छत्तीसगढ़ ल खडे़ करिस ए सम्मान ह ओमन सब के हरे: मुख्यमंत्री
इसरो के पूर्व वैज्ञानिक सुरेश कुमार ह कहिस साइंटिफिक मुख्यमंत्री
रायपुर, नेहा राठौर के खबर/ मुख्यमंत्री श्री भूपेश बघेल ल विश्वप्रसिद्ध सोरबोन यूनिवर्सिटी कती ले छत्तीसगढ़ के ग्रामीण अर्थव्यवस्था ल सीमित अउ स्थानीय संसाधन के उपयोगिता के संग आघू बढ़ाए के विशिष्ट पहल ब डॉक्टरेट के उपाधि ले नवाजे गइस हे। मुख्यमंत्री श्री बघेल आज श्री अरोबिंदो फाउंडेशन कती ले राजधानी रायपुर स्थित होटल सायाजी म आयोजित सोरबोन यूनिवर्सिटी ऑफ पेरिस, फ्रांस के कार्यक्रम ’ग्लोबल अवार्ड्स 2023’ म शामिल होइस। ए अवसर म इसरो के पूर्व वैज्ञानिक सुरेश कुमार, सोरबोन यूनिवर्सिटी के प्रोफेसर डॉ. विवेक, श्री अरोबिंदो योग अउ नॉलेज फाउंडेशन ब डायरेक्टर डॉ. समरेन्द्र घोष, डॉ. बी.के. स्थापक, डॉ. संदीप मारवाह, डॉ. विनय अग्रवाल तको उपस्थित रहिस हे। मुख्यमंत्री श्री भूपेश बघेल की धर्मपत्नी श्रीमती मुक्तेश्वरी बघेल एवं उनके परिवार के लोग भी इस कार्यक्रम में शामिल हुए।
कार्यक्रम को संबोधित करते हुए मुख्यमंत्री श्री बघेल ह कहिस के फ्रांस के प्रतिष्ठित सोरबोन यूनिर्विसिटी ज छत्तीसगढ़ शासन के विकास कार्यक्रम मन ल सराहिस हे अउ मोला आज डॉक्टरेट के मानद उपाधि ले नवाजिस हे, के ब मैं ओमन ह अबड़ आभारी हव। श्री बघेल ह कहिस के छत्तीसगढ़ भौगोलिक रूप ले समृद्ध प्रदेश हे। हमार करा जंगल हे। हिमालय के बाद सबले जादा नदी हमर करा हे। हमार इहां खनिज संसाधन पर्याप्त मात्रा म हवय। दुनिया भर म बेटरी गाड़ी के मांग होवत हे अउ हमार इहां लिथियम हवय।
मुख्यमंत्री श्री बघेल ह कहिस के सही जघा म नरवा योजना लाने ले लाभ ए होईस के 7 सेमी से 70 सेमी तक जल स्तर बाढ़ गइस। गउठान के माध्यम ले डेढ़ लाख हेक्टेयर जमीन हमन ह ग्रामीण विकास ब आरक्षित करे हन। पशुधन ल गउठान ले जोडे़ हन। उहां चारा के व्यवस्था करेन।
मुख्यमंत्री ह कहिस कि हमन 50 यूनिट स्थापित कर के 50 हजार लीटर गोबर पेंट बनाए हन। शासकीय भवन मन म पो गोबर ले बने पेंट ले ही होवत हे। जगदलपुर म गोबर ले हमन बिजली बनात हन। हमार योजना ले जेन ग्रामीण विकास से संबंधित हे, एक लाख 66 हजार महिला ल एकर से रोजगार मिले हे। अबूझमाड़ म फुलझाडू ब प्रशिक्षण देहेन अउ पिछला तीन साल म दिल्ली म के सप्लाई छत्तीसगढ़ के महिला मन ह करत हे। तीखुर हमार इहां स्वादिष्ट वनोपज हवय जे बहुत तरलता देथे। एकर खरीदी के वैल्यू एडिशन के कोनो योजना नई रहिस हे, हमन ह एला करेंन। 75 हजार ले जादा ट्रैक्टर 4 साल म बेचाइस हे। ए ह किसान मन के मजबूत होए के निशानी हे।
उल्लेखनीय हावय के सोरबोन यूनिवर्सिटी के वैश्विक शैक्षणिक परिदृश्य म बडे़ स्थान हे। इहां ले निकले छात्र छात्रा मन ल 33 नोबेल पुरस्कार मिल चुके हे। ए यूनिवर्सिटी ह मुख्यमंत्री श्री बघेल कोती ले छत्तीसगढ़ म गोधन न्याय योजना के तहत गोबर खरीदी अउ सुराजी ग्राम योजना के तहत नरवा, गरवा, घुरवा, बाड़ी कार्यक्रम के संचालन के सराहना तको करिस हे। मुख्यमंत्री कती ले ग्रामीण अर्थव्यवस्था के विकास ल आघू बढ़ाए ब जेन योजना अउ कार्य करे गए हे,ओकर उपर यूनिवर्सिटी के शोधार्थी अउ प्रोफेसर रिसर्च पेपर तको तियार करत हे, जेला यूनिवर्सिटी के विश्वप्रसिद्ध रिसर्च जनरल म प्रकाशित करे जाही।
