रायपुर, 14 जून 2020। मुख्यमंत्री श्री भूपेश बघेल ह काली छत्तीसगढ़ स्टेट पावर ट्रांसमिशन कंपनीज म सेवारत रहत दिवगंत कर्मि मन के 27 आश्रित मन ल आज अपन निवास कार्यालय म अनुकम्पा नियुक्ति पत्र प्रदान करिन। राज्य शासन के ये सम्वेदनशील पहल ले ए परिवार मनल काफी राहत मिलही।
मुख्यमंत्री श्री बघेल ह नवनियुक्त कर्मी मन के सुखद जीवन के कामना करिन अऊ ओ मन ल परिवार के आन आश्रित मन के समुचित देखभाल बर प्रेरित करिन।मुख्यमंत्री ह कहिन के प्रदेश म होवत तेज विकास के धुरी बिजली हे। हर्ष के बात हे के बिजली के मामला म छत्तीसगढ़ देश के अग्रणी राज्य म सामिल हे। इहां कृषि-उद्योग जगत संग घरेलू उपभोक्ता मन बर सहज अऊ सस्ता दर म बिजली उपलब्ध होवत हे। प्रदेश के इतिहास म पहली पइत बिजली उपभोक्ता मन ल कई ठन रियायत देहे गए हे।
जानबा हे के मुख्यमंत्री श्री बघेल के नेतृत्व म कृषि, उद्योग के क्षेत्र म उल्लेखनीय प्रगति होए हे। मुख्यमंत्री के निर्देश के मुताबिक पावर कंपनी ह जनहितैषी काम मन ल सर्वोच्च प्राथमिकता ले पूरा करत हे। एखर अनुपालन म आज वितरित करे गये 27 अनुकम्पा नियुक्ति म 25 नियुक्ति महिला मन ल देहे गए हे।
पावर कंपनी म नियुक्ति मिले ले दिवगंत कर्मी मन के आश्रित मन ल बड़ राहत मिले हे। उमन मुख्यमंत्री श्री बघेल जी के प्रति आभार व्यक्त करत कहिन के कोरोना संक्रमण काल के समय मुख्यमंत्री ले मिले ये नियुक्ति पत्र ले पूरा परिवार ल संबल मिले हे।
अनुकम्पा नियुक्ति पवइया म सर्वश्रीमती मंजू साहू महासमुंद, शीतल कोशले गुढ़ियारी, अंजु धीवर राजेंद्रनगर, रूकमणी सिन्हा सड्डू, संध्या देवांगन तेलीबांधा, मंजू साहू सेलूद पाटन, नलिनी विश्वकर्मा भिलाई अऊ रोहणी साहू खम्हारडीह ल नियुक्ति पत्र देहे गीस। बांचे आश्रित मन ल ऊंखर नियुक्ति पत्र कंपनी प्रबंधन कोति ले बांटे जाही। एमां सर्व श्रीमती मंजू देवांगन तखतपुर, ममता साहू बिलासपुर, फिरतीन देवी टंडन जैजपुर, ओमिन करभाल बालोद, बबीता बिंझेलकर राजनांदगांव, पूनम महला कवर्धा, गीता निषाद जांजगीर-चांपा, कांति ठाकुर महासमुंद, नीलम वैष्णव डोंगरगढ़, केश्वरी दास कुनकुरी, कु. देवकी निषाद जगदलपुर, श्यामबाई साहू बिरकोना, विजयलक्ष्मी रावटे नारायणपुर, रेश्मा कश्यप बिलासपुर, दीपिका प्रजापति धमतरी, उर्मिला कुंजाम कांकेर, सुमन सिंह सरगुजा, श्री धनीराम रजक जांजगीर-चांपा अऊ रामनारायण राठौर बिलासपुर सामिल हें।
ये बेरा म मुख्यमंत्री के अपर मुख्य सचिव व छत्तीसगढ़ स्टेट पावर कंपनीज के चेयरमेन श्री सुब्रत साहू, प्रबंध निदेशक (ट्रांसमिशन) श्री अशोक कुमार व मुख्य अभियंता (मानव संसाधन) श्री पी.से. पारधी संग आन अधिकारीगण उपस्थित रहिन।