- मुख्यमंत्री ह इन्फॉर्मेशन टेक्नोलॉजी, डिजिटल टेक्नोलॉजी अऊ नॉन कोर सेक्टर म निवेश बर उपस्थित निवेशक मन ल करिन आमंत्रित
- निवेशक मन ह छत्तीसगढ़ म निवेश बर उचित वातावरण के स्वागत करत निवेश म दिखाईन रुचि
रायपुर, 18 फरवरी 2020। मुख्यमंत्री श्री भूपेश बघेल छत्तीसगढ़ विधानसभा के अध्यक्ष डॉ चरण दास महंत अऊ ऊंखर संग गए प्रतिनिधिमंडल ह यूनाइटेड नेशन के हेड क्वार्टर के भ्रमण करिन। एडमिनिस्ट्रेटिव ऑफिसर यूनाइटेड नेशन न्यूयॉर्क श्री आनंद पांडेय ह ये बेरा म उंखर स्वागत करत यूनाइटेड नेशन हेड क्वार्टर के भ्रमण करात पूरा प्रकिया के संबंध म जानकारी दीन।
एखर पाछू मुख्यमंत्री श्री भूपेश बघेल परमानेंट मिशन ऑफ इंडिया टू द यूनाइटेड नेशन न्यूयॉर्क (UNHQ) के कार्यक्रम म भाग लीन। ये बेरा म भारत के राजदूत अऊ संयुक्त राष्ट्र म भारत के स्थायी प्रतिनिधि श्री सैयद अकबरुद्दीन ह उंखर स्वागत करिन अऊ स्टेट म अभी हाल म चलत आर्थिक आद्योगिक गतिविधि मन उपर विस्तार ले चर्चा करिन।
मुख्यमंत्री श्री भूपेश बघेल ह अपन उद्बोधन म छत्तीसगढ़ अऊ राज्य सरकार के नवाचार अऊ कई ठन जनकल्याणकारी योजना मन के बारे म जानकारी दीन। मुख्यमंत्री ह इन्फॉर्मेशन टेक्नोलॉजी, डिजिटल टेक्नोलॉजी अऊ नॉन कोर सेक्टर म निवेश बर उपस्थित निवेशक मन ल आमंत्रित करिन। उपस्थित निवेशक मन ह छत्तीसगढ़ के बारे म जानके अऊ इहां निवेश बर उचित वातावरण होए के स्वागत करिन अऊ निवेश बर अपन रुचि घलोक व्यक्त करिन।
