रायपुर, 13 अगस्त 2020। प्रदेश के मुख्यमंत्री श्री भूपेश बघेल 14 अगस्त के मंझनिया 12 बजे अपन रायपुर स्थित निवास म आयोजित एक संक्षिप्त समारोह म वरिष्ठ पत्रकार अऊ अंगरेजी दैनिक ‘हितवाद’ के सम्पादक श्री ई. वी. मुरली ल 20 वां वसुंधरा सम्मान ले सम्मानित करहीं। स्वर्गीय श्री देवी प्रसाद चौबे के स्मृति म स्थापित ये सम्मान पाछू 20 बछर ले लोकजागरण बर देहे जात हे। वसुंधरा सम्मान के आयोजन स्वर्गीय श्री देवी प्रसाद चौबे के पुण्यतिथि के अवसर म करे जाथे।
संस्कृति विभाग छत्तीसगढ़ शासन अऊ श्री चतुर्भुज मेमोरियल फाउन्डेशन के सहयोग ले लोकजागरण के पत्रिका ‘वसुंधरा’ कोति ले आयोजित समारोह के अध्यक्षता संस्कृति मंत्री श्री अमरजीत भगत करहीं। आयोजन म लोकजागरण के पत्रिका वसुंधरा के 49वां अंक के लोकार्पण घलोक होही। समारोह म स्वर्गीय देवीप्रसाद चौबे के पुत्र श्री प्रदीप चौबे अऊ कृषि मंत्री श्री रविन्द्र चौबे घलोक मौजूद रइहीं। ये जानकारी वसुंधरा सम्मान के संयोजक श्री विनोद मिश्र अऊ आयोजन समिति के अध्यक्ष श्री अरुण श्रीवास्तव ह दीस।
