- जनहितैषी नीति मन के सेती कोरोना संकट काल म घलोक छत्तीसगढ़ के अर्थव्यवस्था हवय गतिशील : मुख्यमंत्री श्री भूपेश बघेल
- मुख्यमंत्री ह कोण्डागांव जिला ल दीन 300 करोड़ के सौगात
- राजीव गांधी किसान न्याय योजना के तीसर किश्त किसान मन ल राज्य स्थापना दिवस म देश-दुनिया ह छत्तीसगढ़ के गोधन न्याय योजना ल सहराईन
- कोण्डागांव जिला म स्वरोजगार ल बढ़ावा देहे बर कई अभिनव कार्यक्रम शुरू
रायपुर, 26 सितंबर 2020। मुख्यमंत्री श्री भूपेश बघेल ह कहिन हे के छत्तीसगढ़ सरकार कोरोना संकट के समय म गरीब मन, किसान मन, आदिवासी मन अऊ मजदूर मन के संग मजबूती ले खड़े हे। उमन कहिन के संकट के समय म देश-दुनिया म मनखे मन ल आर्थिक कठिनाई मन के सामना करना परिस, फेर छत्तीसगढ़ एखर से अछूता रहे हे। मुख्यमंत्री श्री बघेल आज अपन निवास कार्यालय ले वीडियो कॉन्फ्रेंसिंग के संग ले कोण्डागांव म लोकार्पण अऊ शिलान्यास समारोह ल सम्बोधित करत रहिन। मुख्यमंत्री ह ये मौका म कोण्डागांव जिला ल विकास अऊ निर्माण कार्य मन बर करीबन 300 करोड़ रूपिया के सौगात दीन, जेमां 155 करोड़ रूपिया के लागत वाले 25 काम मन के लोकार्पण अऊ 145 करोड़ रूपिया के लागत के विकास कार्य मन के शिलान्यास सामिल हे। मुख्यमंत्री ह कई अभिनव कार्यक्रम मन के शुभारंभ घलोक करिन। मुख्यमंत्री श्री भूपेश बघेल आज अपन निवास कार्यालय ले वीडियो कॉन्फ्रेंसिंग के संग कोण्डागांव जिला म करीबन 300 करोड़ रूपिया के विकास कार्य मन के भूमिपूजन अऊ लोकार्पण करत कोण्डागांव के मनखे मन ल बधाई अऊ शुभकामना दीन। मुख्यमंत्री ह कहिन के छत्तीसगढ़ राज्य विशेषकर वनांचल के क्षेत्र युवा मन ल रोजगार ले जोड़ना हमर प्राथमिकता हे। गांव म आय मूलक गतिविधि मन ल बढ़ावा देहे बर सुराजी गांव योजना अऊ गोधन न्याय योजना शुरू के गए हे। लघु वनोपज मन के प्रसंस्करण के इकाई घलोक शुरू करे जात हे।
मुख्यमंत्री ह 87 करोड़ रूपिया के लागत वाले मां दंतेश्वरी मक्का प्रसंस्करण इकाई के स्थापना, 20 करोड़ रूपिया के लागत ले कोण्डागांव जिला के चिन्हित क्षेत्र मन म नारियल वृक्षारोपण महाभियान के शुभारंभ करे के संगेच विकासखण्ड फरसगांव म 14 करोड़ रूपिया के लागत ले निर्मित 250-250 सीटर बालक अऊ बालिका छात्रावास, शासकीय आवास भवन, 33/11 के.व्ही. नवा उप केन्द्र संग आन कार्य मन के लोकार्पण करिन।
एखरे संगेच मुख्यमंत्री श्री बघेल ह लीम दरहा मिड-वे बर 3.13 करोड, टाटामारी पर्यटन केन्द्र बर 60 लाख, उड़ान बिहान आजीविका केन्द्र बर 45 लाख रूपिया, फूलों के घाटी केशकाल बर 1 करोड़, मारी क्षेत्र आजीविका विकास परियोजना बर 3.50 करोड़ रूपिया, नरियर महाभियान बर 20 करोड़, संवेदना पहल कार्यकम, 45 करोड़ के लागत वाले कोसारटेडा जल आवर्धन योजना, नल जल प्रदाय योजना बर 10.30 करोड., 7.4 करोड. रूपिया ले 500 सीटर आवासीय क्वार्टर सह टेनिंग सेंटर भवन के निर्माण, 2.6 करोड ले कोण्डागांव म टांजिट हॉस्टल के निर्माण, 6.50 करोड के लागत ले कोण्डागांव म बस स्टैण्ड, 5.20 करोड़ रूपिया वाले अत्याधुनिक जिला लाईब्रेरी सह अध्ययन केन्द्र, 38 करोड़ रूपिया ले 74 किमी के 10 सड़क मन के निर्माण, 18.72 करोड़ रूपिया ले 200 गांव मन म सोलर ड्यूल पंप अऊ 125 गांव मन म चौक-चौराहा मन म प्रकाश बर सोलर हाई मास्ट, 28 करोड़ रूपिया के 11 छात्रावास भवन, शासकीय हाई स्कूल उमरगांव, हाई स्कूल भवन मयूरडोंगर, हायर सेकेण्डरी स्कूल होनावण्डी, हायर सेकेण्डरी स्कूल दहिकोंगा, जामपदर गोठान जइसन बहुत अकन नवा कार्य मन के भूमिपूजन घलोक करिन।
ये बेरा म जिला के प्रभारी मंत्री गुरू रूद्र कुमार, नगरीय प्रशासन मंत्री डॉ. शिव कुमार डहरिया, राज्यसभा सांसद श्रीमती फूलो देवी नेताम, लोकसभा सांसद श्री दीपक बैज, सांसद श्री मनोज मण्डावी, छत्तीसगढ़ राज्य हस्तशिल्प विकास बोर्ड के अध्यक्ष श्री चंदन कश्यप, कोण्डागांव विधायक श्री मोहन मरकाम, केशकाल विधायक श्री संतराम नेताम, कोण्डागांव कलेक्टर श्री पुष्पेन्द्र कुमार मीणा घलोक उपस्थित रहिन।