जुड़वा बहिनी पायल अऊ पिंकी के सेहत म आइस सुधार

बेमेतरा, गांधी जयंती 02 अकटूबर 2019 ले चालू मुख्यमंत्री सुपोषण अभियान संचालित होए ले बहुत अकन लइका मन के सेहत म सुधार आए हे, ये योजना के अंतर्गत आंगनबाडी केन्द्र मे फरवरी महिना ले 6 महिना ले 3 बछर के लइका मन ल अकतहा आहर के रूप मे खिचरी देहे जात हे। योजनांतर्गत बेमेतरा जिला के बेरला विकासखण्ड के ग्राम भिभौरी मे आं.बा. कार्यकर्ता ल पायल अऊ पिंकी ल पोषण आहार देहे के संगे-संग नियमित रूप ले घर म घलोक सतत् गृहभेंट करे जात हे जेमां पाए गीस के लइका के पालक मन ल खान-पान के तरीका म सुधार के सेती आहार म बढ़ोतरी पाए गीस। आं.बा. कार्यकर्ता ल लइका के परिवार ल कई प्रकार के पौष्टिक व्यंजन, स्थानीय स्तर म उपलब्‍ध सामाग्री ले बना के खवाए गीस। आंगनबाड़ी कार्यकर्ता अऊ पर्यवेक्षक मन ह गृहभेंट करके लइका मन के खानपान के निगरानी करे गीस अऊ आंगनबाड़ी केन्द्र म नियमित रूप ले वजन लेहे गीस। जेखर से पायल के वजन 10.900 कि.ग्रा. अऊ पिंकी के वजन 10.400 कि.ग्रा. हो गे। ये प्रकार ले दुनो लइका सामान्य श्रेणी मे अऊ स्वस्थ होगें।
एकीकृत बाल विकास परियोजना बेरला सेक्टर भिंभौरी 02 अंतर्गत ग्राम भिंभौरी म श्रीमती रामेश्वरी यादव पति राजेन्द्र यादव के इहां 06 अगस्त 2019 के दू जुडवा लइका पायल यादव अऊ पिंकी यादव के जनम होइस। जनम के समय पायल के वजन 900 ग्राम अऊ पिंकी यादव के वजन 700 ग्राम रहिस, येमन अतिगंभीर कुपोषित के श्रेणी मे रहिन। लइका मन के माता श्रीमती रामेश्वरी यादव अऊ पिता श्री राजेन्द्र यादव बहुत चिंतित रहिन। जनम के बाद दूनों लइका मन ल करीबन 01 महिना तक अस्पताल म ही रखे गीस। ओखर बाद जइसनहे ओ मन अपन घर वापस आइन ओखर तुरंत बाद सेक्टर पर्यवेक्षक श्रीमती रश्मि वर्मा अऊ आं. बा. कार्यकर्ता श्रीमती उमा सोनी मन गृहभेंट करके परिवार के आगू लइका के वजन लीन अऊ संगेच नवजात शिशु के मॉ ल कमजोर अऊ अल्पवजन होए के जानकारी दीन। आं. बा. कार्यकर्ता ल कुपोषण, 6 महिना तक सतत् स्तनपान अऊ स्वच्छता के विसय मे जानकारी देहे गीस। लइका मन के पिता प्राईवेट फैक्ट्री म अऊ माता मजदूरी के काम करथे। जेखर सेती परिवार के आर्थिक स्थिति अच्छा नइ हे, अऊ ओखर माता अपन काम म जाय के सेतीपायल अऊ पिंकी ल स्तनपान अऊ उपरी आहार उपर ध्यान नइ रख पात रहिस। लइका मन के घर म उचित देखभाल नइ होए के सेती ऊंखर वजन म सुधार नइ हो पात रहिस। जेखर सेती आं. बा. कार्यकर्ता मन सरलग गृहभेट के समय पालक मन ल कुपोषण उपरी आहार स्वच्छता अऊ साफ-सफाई के बारे मे परामर्श देत रहिन। आं. बा. कार्यकर्ता लशिशुवती माता ल छै महिना तक सतत स्तनपान के बाद सातवां महिना म आंगनबाडी केन्द्र म अन्नप्राशन कराए गीस अऊ आं. बा. केन्द्र म मिलईया पूरक पोषण आहार के पैकेट प्रदाय करके उंखर उपयोगिता अऊ सेवन करे के तरीका के बारे मे प्रदर्शन करके परामर्श दे गीस, अऊ परिवार ल पोषण अऊ स्वच्छता के संबंध म जरूरी जानकारी प्रदान करे गीस। दू बार बाल संदर्भ शिविर म स्वाथ्य जांच करा के डॉक्टर मेर ले जरूरी परामर्श ले गीस जेखर से पायल अऊ पिंकी के स्वस्थ मे सुधार होइस।