मुख्यमंत्री सुपोषण अभियान के तहत जिला म गर्भवती अऊ शिशुवती माता मन ल देहे जात हे तात जेवन

बेमेतरा, बेमेतरा जिला अंतर्गत मुख्यमंत्री सुपोषण अभियान अंतर्गत 06 महिना ले 36 महिना तक के लइका मन ल पौष्टिक गरम भोजन खिचड़ी अऊ 06 महिना ले 06 साल तक के लइका मन ल हफ्ता म तीन दिन अण्डा/केला देहे जात हे। महिला अऊ बाल विकास विभाग के जिला कार्यक्रम अधिकारी ह बताइस के एखर अलावा हफ्ता म तीन दिन गुर अऊ व चना अऊ एनीमिक शिशुवती माता मन ल गरम भोजन देहे जात हे।

बेमेतरा जिला अतंर्गत (एम.पी. आर. जून 2022) गर्भवती माता मन के संख्या करीबन 7858 अऊ (लगभग 90 प्रतिशत) एनीमिक शिशुवती माता मन के संख्या करीबन 7169 कुल 15027 अऊ वजन त्यौहार साल 2021 के अनुसार 06 महिना ले 03 साल तक के कुल 8834 कुपोषित लइका मन अऊ 03 साल ले 06 साल तक कुल 8356 कुपोषित लइका मन ल योजना के अंतरगत लाभांवित करे बर चिन्हांकित करे गए हे। गर्भवती माता मन/एनीमिक शिशुवती माता मन अऊ 06 महिना ले 06 साल तक के कुपोषित लइका मन ल मुख्यमंत्री सुपोषण अभियान अंतर्गत लाभांवित करे बर मुख्यमंत्री सुपोषण अभियान अंतर्गत अकतहा पोषण आहार आंगनबाड़ी केन्द्र मन म प्रदाय करे जात हे संगेच अइसन गर्भवती/एनीमिक शिशुवती माता जेन आंगनबाड़ी केन्द्र आए सक्षम नइ हे उमन ल आंगनबाड़ी कार्यकर्ता/सहायिका मन टिफीन के माध्यम ले घर जाके देहे जात हे।