बीजापुर : मुख्यमंत्री सुपोषण अभियान के असर

एनीमिया ले मुक्त होइस विजयलक्ष्मी

जिला म एनीमिया अउ कुपोषण एक गंभीर समस्या हे। कुपोषण अउ एनीमिया ल दूरिहा करे ब मुख्यमंत्री सुपोषण अभियान आंगनबाडी केन्द्र के माध्यम ले संचालित करत हे। अभियान अंतर्गत हरेक स्तर म जनजागरूकता अभियान पोषण ल ले के करे जाथ हे। आंगनबाडी केन्द्र थानापारा फरसेगढ़ सेक्टर फरसेगढ़ परियोजना एकीकृत बाल विकास परियोजना कुटरू म मुख्यमंत्री सुपोषण अभियान के अंतर्गत 15 ले 49 वर्ष के एनीमिक महिला के श्रेणी म आए वाली विजयलक्ष्मी जेकर आंगनबाडी केन्द्र एक एनीमिक महिला के रूप म चिन्हांकित करे गए रहीस ओकर उमर 27 बछर हे। विजयलक्षमी ल एनीमिक महिला के श्रेणी म नवम्बर 2021 म आंगनबाडी कार्यकर्ता श्रीमती मंजू राव कती ले केन्द्र फरसेगढ़ म दर्ज करे गए रहिस हे ओ घनी विजयलक्षमी बारसे के हीमोग्लोबिन स्तर 7.5 ग्राम रहिस हे, हितग्राही ल आंगनबाडी केन्द्र म प्रतिदिन आए ब बताय गइस अउ मुख्यमंत्री सुपोषण अभियान के लाभ लिए ब प्रेरित करे गईस अऊ विजयलक्षमी प्रतिदिन आंगनबाडी केन्द्र आए लगीस ,ओकर द्वारा बताय गइस कि ओ ह पहिली के अब जादा स्वस्थ महसूस करथे। सेक्टर पर्यवेक्षक श्रीमती प्रियंका भारद्वाज अउ आंगनबाडी कार्यकर्ता श्रीमती मंजू राव एनीमिक महिला श्रीमती विजयलक्ष्मी बारसे ल स्वास्थ्य संबंधी मार्गदर्शन अउ समझाइस दीस अउ संगे म ही आंगनबाडी केन्द्र ले मिले वाले अतिरिक्त पौष्टिक आहार, मिलेट चिक्की, अण्डा अउ गरम भोजन ल आंगनबाडी केन्द्र ले लिये ब कहे गईस। आज विजयलक्ष्मी बारसे के हीमोग्लोबिन टेस्ट पीएचसी सेंटर फरसेगढ़ म करवाय गइस। जेमा वर्तमान समय म हीमोग्लोबिन रिपोर्ट के अनुसार 12 ग्राम हे जेमा पहिली के अपेक्षा 4.5 ग्राम के बढ़ोत्तरी होइस हे। विजयलक्ष्मी बारसे मुख्यमंत्री सुपोषण अभियान के तहत एनीमिक महिला ले आज सुपोषित होइस हे। एनीमिक महिला अउ परिवार के जम्मो सदस्य सेक्टर पर्यवेक्षक श्रीमती प्रियंका भारद्वाज, आंगनबाडी कार्यकर्ता मंजू राव विभाग ल विजयलक्ष्मी कती ले धन्यवाद ज्ञापित करत हे।