छत्तीसगढ़ के मुख्यमंत्री श्री भूपेश बघेल ह करिन जीएसटी क्षतिपूर्ति अनुदान ल अवइया पाँच बछर बर जारी रखे के मांग

रायपुर, मुख्यमंत्री श्री भूपेश बघेल ह आज नई दिल्ली के विज्ञान भवन म केंद्रीय वित्तमंत्री श्रीमती निर्मला सीतारमण के अध्यक्षता म आयोजित बजट पूर्व बैठक म आम बजट ल लेके राज्य के उम्मीद अऊ राज्य के हित ले संबंधित बहुत अकन महत्वपूर्ण प्रस्ताव रखिन। विज्ञान भवन म आयोजित ये बैठक म मुख्यमंत्री श्री बघेल ह जीएसटी क्षतिपूर्ति के भरपाई, कोल उत्खनन म केंद्र तीर जमा राशि 4,140 करोड़ छत्तीसगढ़ ल लउहे देहे के बात अउ नक्सल उन्मूलन बर तैनात केन्द्रीय सुरक्षा बल मन उपर करे गए 15 हजार करोड़ के व्यय के प्रतिपूर्ति के मांग करिन। बैठक म आन राज्य मन के वित्तमंत्री घलोक उपस्थित रहिन।