मुख्यमंत्री ह सोशल डिस्टेंसिंग बर आदिवासी बहुल क्षेत्र के तारीफ करिन, कहिन: हम शहरी मनखे मन ल गांव वाले मन ले सीखना चाही

रायपुर, 03 अप्रैल 2020। मुख्यमंत्री श्री भूपेश बघेल ह बस्तर के अंदरूनी ग्रामीण आदिवासी बहुल क्षेत्र मन म मनखे मन कोति ले करे जात सोशल डिस्टेंसिंग के तारीफ करे हें। उमन अपन ट्वीटर एकाउंट म सोशल डिस्टेंसिंग के फोटो शेयर करत लिखे हे के पानी लेहे अऊ किराना के जरूरी जिनिस के खरीदारी के संग जऊन प्रकार के सामाजिक दूरी के नियम के पालन गांव वाले मन ह करत हें, ओखर से हम शहरी मनखे मन ल बहुत कुछ सीखे के जरूरत हे।