मुख्यमंत्री ह बाल मैगजीन माइंड राइड के करिस विमोचन

रायपुर, 14 जून 2020। मुख्यमंत्री श्री भूपेश बघेल ह काली अपन निवास कार्यालय म लइका मन के सर्वांगीण विकास म केंद्रित मासिक बाल मैगजीन माइंड राइड के विमोचन करिस। अंगरेजी भाखा के बाल मैगजीन माइंड राइड के सम्पादक अऊ प्रकाशक प्रियंका अग्रवाल ह मुख्यमंत्री ल बताइस के ये मां 7 ले 14 साल के लइका मन के रुचि अऊ ज्ञानवर्धन ल ध्यान म रखे गए हे। मैगजीन म प्रेरणादायी कहानी, स्वास्थ्य, विज्ञान के आविष्कार, सामान्य ज्ञान, करेंट अफेयर्स अऊ बाल जीवन ले जुड़े आन विषय के लेख प्रकाशित करे गए हे। लइका मन ह घलोक ये मां लेख लिखे हें। मुख्यमंत्री श्री भूपेश बघेल ह माइंड राइड मैगजीन के प्रकाशन उपर हर्ष जतात बाल मन ल संस्कारित करे के ये प्रयास के सराहना करिन। ये बेरा म अमित अग्रवाल, रोहित अग्रवाल, वंशिका मित्तल, अक्षिता अग्रवाल संग आन मनखे उपस्थित रहिन।