मुख्यमंत्री ह राष्ट्रीय आदिवासी नृत्य महोत्सव के तैयारी के लीन जायजा

रायपुर म 27 ले 29 दिसम्बर तक महोत्सव के आयोजन

रायपुर, मुख्यमंत्री श्री भूपेश बघेल ह आज संझा राजधानी रायपुर स्थित साईंस कॉलेज मैदान पहुंचके उहां 27 ले 29 दिसम्बर तक आयोजित होवइया राष्ट्रीय आदिवासी नृत्य महोत्सव के तैयारी के विस्तार ले जायजा लीन। ये बेरा म विधानसभा अध्यक्ष डॉ. चरणदास महंत, गृह मंत्री श्री ताम्रध्वज साहू, कृषि अउर पशुपालन मंत्री श्री रविन्द्र चौबे, स्कूल शिक्षा मंत्री डॉ. प्रेमसाय सिंह टेकाम अऊ खाद्य अउर संस्कृति मंत्री श्री अमरजीत भगत घलोक संग रहिन।