नान्‍हे सृष्टि ल गोदी म उठाके मुख्यमंत्री श्री विष्णु देव साय ह रच दीन मया पिरीत के कहिनी

सरलता, करुणा अऊ जनसामान्य ले जुड़ाव के मिसाल बनिन मुख्यमंत्री श्री साय : किसान पिता बोलिस, जीवन भर रहिही सुरता
जांजगीर चांपा, मुख्यमंत्री श्री विष्णु देव साय के अगुवई केवल जनकल्याणकारी योजना अऊ विकास के दिशा म सशक्त पहल तक सीमित नइ हे, बल्कि उंखर सहजता, आत्मीयता अऊ मानवीय संवेदना मन ले परिपूर्ण व्यवहार ह ओ मन ल जन-जन के हिरदे म विशेष जगा देवाए हे। आज जांजगीर चांपा जिला म आगमन के समय हेलीपेड म अइसनहे एक पल आगू आइस, जब मुख्यमंत्री ह नान्हे नोनी सृष्टि ल गोदी म उठाके मया ले दुलारिन।
किसान योगेंद्र पांडेय अपन तीन बछर के नोनी सुश्री सृष्टि पांडेय ल लेके ग्राम भणेसर ले विशेष रूप ले मुख्यमंत्री श्री साय ले मिले पहुंचे रहिन। जब मुख्यमंत्री श्री साय के नजर मासूम बच्ची सृष्टि उपर परिस, त उमन तुरंते आत्मीय मुस्कान के संग निहारारिन अऊ ओला मया ले अपन गोदी म उठा लीन। मुख्यमंत्री ले मिलके नान्हे सृष्टि के आँखी म जेन चमक रहिस, वो पूरा वातावरण ल आत्मीयता ले भर दीस।
सृष्टि के पिता योगेंद्र पांडेय ह भावुक होके बताइस के मुख्यमंत्री जी के आए के खबर सुनके मैं ह तय करे रहेंव के अपन बेटी ल उंखर से मिलवाहूं। जब मुख्यमंत्री जी ह ओला गोदी म उठाइन, त हमर खुशी के ठिकाना नइ रहिस। मोर बेटी अऊ हम दुनों बर ये पल हमार जीवन के सबले अनमोल स्मृति बन गए हे जेन जीवन भर सुरता रइही।
सृष्टि अभी नर्सरी कक्षा के छात्रा हे, वो अपन पिता के संग मुख्यमंत्री श्री साय ल देखे बर बहुत उत्साह के संग पहुंचे रहिस। ओखर परिवार किसान हे, जेमां माता-पिता, दादा-दादी अऊ सृष्टि खुद सामिल हे।