रायपुर, 31 मार्च 2020। मुख्यमंत्री श्री भूपेश बघेल ह लोककला ‘नाचा‘ के जनक स्वर्गीय दाऊ दुलार सिंह मंदराजी ल उंखर जयंती एक अपरेल के बेरा म नमन करे हें। श्री बघेल ह छत्तीसगढ़ी लोककला अऊ संस्कृति के संरक्षण म दाऊ जी के अमूल्य योगदान ल सुरता करत कहिन के दाऊ मंदराजी ह ‘नाचा‘ ल पुनर्जीवित करे अऊ बचाए रखे बर अपन पूरा जीवन समर्पित कर दीन। दाऊ जी ह नाचा ल समाजिक कुरीति मन के प्रति जनचेतना जगाए के माध्यम बनाइन। श्री बघेल ह कहिन कि दाऊ मन्दराजी ह लोक कलाकार मन ल संगठित करके छत्तीसगढ़ी नाचा-गम्मत ल विश्वपटल म स्थापित करे म महत्वपूर्ण भूमिका निभाईन। मुख्यमंत्री ह कहिन हे के जनसामान्य म नाचा ल फेर से खड़ा करइया लोक कला के अइसन सच्चा साधक के व्यक्तित्व अगले कई पीढ़ी ल प्रेरित करत रइही।
मुख्यमंत्री ह छत्तीसगढ़ म नाचा के जनक दाऊ दुलार सिंह मंदराजी के जयंती म ओ मन ल करिन नमन
