रायपुर, 10 दिसंबर 2020। मुख्यमंत्री भूपेश बघेल ह छत्तीसगढ़ के प्रथम स्वतंत्रता संग्राम सेनानी अमर शहीद वीरनारायण सिंह के 10 दिसम्बर के शहादत दिवस म उमन ल नमन करिन हे। बघेल ह कहिन हे कि भारतीय स्वतंत्रता आंदोलन के गौरवशाली इतिहास म छत्तीसगढ़ के वीर सपूत शहीद वीर नारायण सिंह के बलिदान ल हमेशा याद करे जाही।
बघेल ह कहिन कि छत्तीसगढ़ महतारी के सच्चा सपूत वीर नारायण सिंह ह सन् 1857 म देश के प्रथम स्वतंत्रता संग्राम आंदोलन म छत्तीसगढ़ के जनता म देश भक्ति के भावना के संचार करिन। सन् 1856 के भयानक अकाल के बेरा गरीब मन ल भूख ले बचाए बर उमन अंग्रेजी हुकूमत के खिलाफ कठिन संघर्ष करिन अऊ अपन प्राण न्यौछावर कर दीन। शहीद वीर नारायण सिंह के देश के आजादी अऊ मातृभूमि के प्रति समर्पण, बलिदान ल हमेशा याद करे जाही।