मुख्यमंत्री श्री भूपेश बघेल ह नवा छत्तीसगढ़ सदन के करिन ऑनलाईन शिलान्यास: नई दिल्ली के द्वारका म बनही नवा छत्तीसगढ़ सदन

रायपुर, 19 जून 2020। मुख्यमंत्री श्री भूपेश बघेल ह आज अपन निवास कार्यालय ले नवा दिल्ली स्थित द्वारका म बनइया नवा छत्तीसगढ़ सदन के ऑनलाईन शिलान्यास करिन। नवा छत्तीसगढ़ सदन के निर्माण नवा दिल्ली के सेक्टर-13 द्वारका म 60 करोड़ 42 लाख रुपए के लागत ले कराए जाही। ये सदन के निर्माण बर 43 हजार 803 वर्गफीट जमीन 22.50 करोड़ रुपए म बिसाए गए हे। नवा छत्तीसगढ़ सदन म 10 सूट रूम, 67 कमरा, डायनिंग हॉल एंड वेटिंग संग मीटिंग हॉल अऊ कर्मचारी मन बर आवासीय टावर के निर्माण करे जाही।

ये बेरा म गृह मंत्री श्री ताम्रध्वज साहू, मुख्य सचिव श्री आर.पी. मंडल, अपर मुख्य सचिव मुख्यमंत्री श्री सुब्रत साहू, प्रमुख सचिव वन श्री मनोज पिंगुआ, सचिव लोक निर्माण विभाग श्री सिद्धार्थ कोमल परदेशी, सचिव पर्यटन श्री पी. अंबलगन, प्रधान मुख्य वन संरक्षक श्री राकेश चतुर्वेदी, मुख्यमंत्री सचिवालय म उप सचिव सुश्री सौम्या चौरसिया संग आन वरिष्ठ अधिकारी उपस्थित रहिन।