बधाई व शुभकामना देहे बहुत अकन सामाजिक संगठन के मनखे पहुंचिन
प्रदेश भर ले मनखे मन ह मुख्यमंत्री निवास पहुंचके दीन बधाई
रायपुर, मुख्यमंत्री श्री भूपेश बघेल के जन्मदिवस म आज राष्ट्रपति सुश्री द्रौपदी मुर्मू, उपराष्ट्रपति श्री जगदीश धनखड़, प्रधानमंत्री श्री नरेन्द्र मोदी, लोकसभा अध्यक्ष श्री ओम बिड़ला, केन्द्रीय गृहमंत्री श्री अमित शाह, केन्द्रीय सड़क परिवहन अऊ राजमार्ग मंत्री श्री नितिन गडकरी अऊ छत्तीसगढ़ के राज्यपाल सुश्री अनुसुईया उइके, कांग्रेस महासचिव श्रीमती प्रियंका गांधी संग बहुत अकन केन्द्रीय मंत्री, राज्य मन के मुख्यमंत्री मन, राष्ट्रीय नेता अऊ राष्ट्रीय मीडिया के प्रतिनिधि मन ह कई ठन माध्यम ले छत्तीसगढ़ के मुख्यमंत्री श्री भूपेश बघेल ल जन्मदिन के बधाई अऊ शुभकामना दीन।
राष्ट्रपति सुश्री मुर्मू, प्रधानमंत्री श्री मोदी, लोकसभा अध्यक्ष श्री बिड़ला अऊ राज्यपाल सुश्री उइके ह ट्वीट करके मुख्यमंत्री श्री बघेल ल बधाई देवत ऊंखर स्वस्थ अऊ सुदीर्घ जीवन के कामना करे हें। उहें केन्द्रीय गृहमंत्री श्री अमित शाह ह मुख्यमंत्री श्री बघेल ले फोन म बधाई व शुभकामना दीन। उहें राज्य के मंत्रीगण श्री टीएस सिंहदेव, श्री ताम्रध्वज साहू, श्री रविन्द्र चौबे, श्री मोहम्मद अकबर, श्री कवासी लखमा, श्री जयसिंह अग्रवाल, डॉ. प्रेमसाय सिंह टेकाम, डॉ. शिवकुमार डहरिया, श्री गुरू रूद्र कुमार, श्रीमती अनिला भेंड़िया समेत संसदीय सचिव अऊ निगम-मंडल के पदाधिकारी मन ह मुख्यमंत्री ले सप्रेम भेंटकरके जन्मदिवस म बधाई व शुभकामना दीन। संगेच राज्य के वरिष्ठ प्रशासनिक अधिकारी मन, पुलिस अधिकारी मन ह सौजन्य मुलाकात करके मुख्यमंत्री ल बधाई व शुभकामना दीन। ये मौका म अड़बड़ झन स्कूली लइका घलोक मुख्यमंत्री ल बधाई देहे पहुंचे रहिन।
