जशपुर, 04 सितमबर 2024। मुख्यमंत्री श्री विष्णुदेव साय ह स्वास्थ्य अऊ शिक्षा के क्षेत्र म सुधार बर महत्वपूर्ण कदम उठात, दूरस्थ अंचल के लइका मन के स्वास्थ्य उपर विशेष ध्यान देहे के निर्देश देहे हें। एखर तहत, स्वास्थ्य विभाग के ’चिरायु’ टीम ह स्कूल मनके दौरा करके गंभीर बीमारी मन ले प्रभावित लइका मन के चिन्हारी करे जात हे अऊ ओ मन ल उच्च स्तरीय इलाज के सुविधा उपलब्ध कराए जात हे।
इही कड़ी म जशपुर जिला के स्वास्थ्य विभाग के चिरायु दल ह स्कूल मन म जाके छात्र-छात्रा मन के स्वास्थ्य परीक्षण करत हे। परीक्षण बाद बीमारी ले प्रभावित लइका मन ल सुविधानुसार निःशुल्क दवइ अऊ उच्च स्तरीय ईलाज के सुविधा देहे जात हे।
चिरायु टीम ह हाले म पत्थलगांव विकासखण्ड के शासकीय प्री मैट्रिक कन्या अउ बालक छात्रावास लुडेग म स्वास्थ्य परीक्षण अभियान चलाइस। ये बेरा म कुल 21 लइका मन के स्वास्थ्य परीक्षण करे गीस, जेमें 6 लइका मन ल आंखी ले संबंधित समस्या, 11 ल त्वचा संबंधी रोग, 2 लइका ल पेट दर्द, अऊ 2 आन बीमारी मन ले ग्रस्त पाए गीस। चिरायु टीम ह ए सबो लइका मन ल जरूरी इलाज अऊ दवइ के सुविधा प्रदान करिस। संगेच ओ मन ल स्वास्थ्य शिक्षा घलोक देहे गीस, जेमां साफ-सफाई रखे, मच्छरदानी के उपयोग करे, उबला पानी पीने अऊ बरसात के मौसम म होवइया मौसमी बीमारी मन ले बचाव के उपाय के बारे म बताए गीस।
मुख्यमंत्री श्री विष्णु देव साय ह स्वास्थ्य विभाग के अमला ल निर्देश देहे हें के ए अभियान ल अऊ जादा व्यापक बनाना ठउका करव। ताकि राज्य के सबो दूरस्थ क्षेत्र मन के लइका मन ल बेहतर स्वास्थ्य सेवा मिल सकय।
