महतारी वंदन योजना ले पहाड़ी कोरवा महिला मन के बदलत हे जीवन
बलरामपुर, 01 सितम्बर 2024। जिला के ग्राम पंचायत भिलाईखुर्द के निवासी पहाड़ी कोरवा श्रीमती गुलाबी ह महतारी वंदन योजना के सराहना करत कहिन कि महिला मन ल आर्थिक रूप ले मजबूत बनाए के दिशा म ये ह एक सार्थक पहल हे। वो कहिस के वोखर पति खेती अउ मजदूरी के काम करथे, वोखर चार लइका हे अऊ आर्थिक रूप ले कमजोर होए के सेती वो अपन लइका मन के सही ढंग से पालन-पोषण अउ शिक्षा म ध्यान नइ दे पात रहिस। अब महतारी वंदन योजना ले हर महिना मोर बैंक खाता म 1000 हजार रुपिया आ जात हे, जेखर उपयोग मैं परिवार के छोटे-बड़े जरूरत ल पूरा करे म करत हंव। ओला पाछू 06 महिना ले योजना के तहत पइसा मिलत हे। जेखर उपयोग ओ ह अपन अउ अपन परिवार के जरूरत ल पूरा करे, लइका मन के पढ़ई म करत हे। वो ह ए योजना ल जरूरतमंद महिला मन बर मुश्किल समय के सहारा बताए हे। गुलाबी ह कहिस के हर महिना खाता म पइसा आए ले महिला मन म आत्मविश्वास बाढ़त हे। समाज के नीचले अउ मध्यम वर्ग के महिला मन अपन जरूरी अउ छोटे-बड़े जरूरत मन बर परेशान होत रहिन। फेर प्रदेश सरकार के महत्वाकांक्षी महतारी वंदन योजना ले अब हर महिना 1000 रुपिया खाता म जमा होवत हे, जेखर से महिला मन अपन जरूरत ल पूरा कर पात हें। जेखर से ओ मन निर्भीक होके अपन जिम्मेदारी मन के निर्वहन कर पात हें।