सरल अऊ सहज मुख्यमंत्री श्री विष्णु देव साय के दिखिस मया, नान्हे इवान ल गोदी म लेके करिन दुलार

रायगढ़, जिला के खरसिया पहुँचे मुख्यमंत्री श्री विष्णु देव साय के सहजता, सरलता अऊ अपनापन ह आज सबो ल गहिर तक प्रभावित करिस। खरसिया हेलीपैड म जब उंखर नज़र ढाई साल के इवान म परिस त ओ मन लइका ल दुलारे बिना नइ रह सकिन। आत्मीय मुस्कान के संग मुख्यमंत्री श्री साय ह नान्हे इवान ल अपन गोद म उठाइन अऊ बड़ मया ले दुलारिन। नर्सरी म पढ़इया इवान अपन पिता के संग बड़ उत्साह ले हेलीपैड म मुख्यमंत्री ल देखे आए रहिस। लइका ल अचानक मुख्यमंत्री श्री साय के गोदी म देखके उहां मौजूद सबो मनखे भावुक अऊ आश्चर्यचकित रहि गे। ये दृश्य मुख्यमंत्री श्री विष्णु देव साय के सहजता, आत्मीयता अऊ संवेदनशील व्यवहार के सजीव उदाहरण बन गीस। एला देखके मनखे मन के मन म ये भाव सहज ही उमड़ परिस के मुख्यमंत्री के दिलो-दिमाग म केवल प्रदेश के प्रगति अऊ जनकल्याण के ही संकल्प नइ हे, बल्कि मानवीय संवेदना मन के प्रति उंखर गहरा अनुराग घलोक हे।
इवान के पिता श्री अमन गर्ग ह कहिस के अपन बेटा ल मुख्यमंत्री के गोदी म देखना वोखर परिवार बर भावुक, अनमोल अऊ अविस्मरणीय क्षण हे। वो ह कहिस के ये स्मृति जीवन भर ऊंखर संग रइही। श्री गर्ग ह बताइस के इवान बड़ उत्साह ले मुख्यमंत्री अऊ हेलीकॉप्टर ल देखे वोखर संग हेलीपैड आए रहिस। मुख्यमंत्री के गोदी म जातेच ओखर खुशी दुगना हो गे। आज एक पइत फेर मुख्यमंत्री श्री विष्णु देव साय के अपनत्व अऊ लइका मन के प्रति उंखर अनुराग सबके आगू आइस। ऊंखर ए आत्मीय व्यवहार ह न केवल अमन गर्ग के परिवार के दिल जीत लीस, बल्कि उहां मौजूद सबो मनखे मन के हृदय म घलोक अमिट छाप छोड़ दीस।