मुख्यमंत्री श्री विष्णु देव साय अऊ विधानसभा अध्यक्ष डॉ. रमन सिंह ह नवा रायपुर म निर्माणाधीन नवा विधानसभा भवन के प्रगति के समीक्षा करिन

रायपुर, 13 जून 2024। विधानसभा अध्यक्ष डॉ. रमन सिंह अऊ मुख्यमंत्री श्री विष्णु देव साय ह आज इहां अपन निवास कार्यालय म नवा रायपुर म निर्माणाधीन नवीन विधानसभा भवन, विधायक विश्रामगृह अउ विधानसभा के अधिकारी-कर्मचारी मन बर बनत आवास के प्रगति के समीक्षा करिन। मुख्यमंत्री ह बैठक म कहिन कि निर्माण काम अच्छा गुणवत्ता के संग समय-सीमा म पूरा करव। समय-समय म प्रगति के समीक्षा करे जाय। बैठक म उप मुख्यमंत्री श्री अरूण साव, संसदीय काम मंत्री श्री बृजमोहन अग्रवाल, वित्त मंत्री श्री ओ. पी. चौधरी, मुख्य सचिव श्री अमिताभ जैन घलोक उपस्थित रहिन।