पूजा अर्चना कर प्रदेशवासी मन बर सुख-शांति-समृद्धि के कामना करिन
महासमुंद, 16 अगस्त 2024। मुख्यमंत्री श्री विष्णु देव साय आज स्थानीय विधायक श्री योगेश्वर राजू सिन्हा कोति ले पवित्र सावन मास म आयोजित रूद्रामहाभिषेक हवन पूजन कार्यक्रम म सामिल होइन। उमन रुद्र पाठ के मंत्रोच्चार के संग भगवान शिव के ऊं नमः शिवाय, हर-हर महादेव के जयकारा के संग अभिषेक करिन अउ पूजा-अर्चना करके आशीर्वाद लीन अउ प्रदेशवासी मन बर सुख-शांति-समृद्धि के कामना करिन। ए बेरा म सांसद श्रीमती रूपकुमारी चौधरी, महासमुंद विधायक श्री योगेश्वर राजू सिन्हा, बसना विधायक श्री सम्पत अग्रवाल, पूर्व राज्य मंत्री श्री पूनम चंद्राकर अउ पूर्व विधायक डॉ. विमल चोपड़ा अउ स्थानीय जनप्रतिनिधि मौजूद रहिन।
