जनता के हित म विकास काम होही सांय-सांय : मुख्यमंत्री श्री विष्णुदेव साय

रायपुर, 14 जुलाई 2024, मुख्यमंत्री श्री विष्णुदेव साय आज जशपुर जिला के दुलदुला विकासखंड मुख्यालय म आयोजित मतदाता अभिनन्दन समारोह म सामिल होइन। उमन विधानसभा चुनाव म जीत बर कुनकुरी विधानसभा क्षेत्र के सबो मतदाता, नागरिक मन के आभार जताइन। उमन सबो ल धन्यवाद ज्ञापित करत कहिन के आप मन के क्षेत्र के बेटा मुख्यमंत्री हे अऊ जनहित म जेन काम हे करे जाही। उमन कहिन कि प्रदेश म अब सबो विकास काम सांय-सांय होही। आप मन के विधायक ल प्रदेश के नेतृत्व के जिम्मा मिले हे। लोकसभा म आप मन मोदी के गारंटी उपर भरोसा जताए हव अऊ छत्तीसगढ़ ले 10 सीट म जीत मिले हे । अभी 7 महीनाच सरकार बने होए हे। हमर सरकार ह 18 लाख घर स्वीकृत करे के निर्णय लेहे हे। 70 लाख ले जादा महिला मन के खाता म महतारी वंदन योजना के तहत हर महिना 1 हजार राशि देहे जात हे। तेंदूपत्ता संग्राहक मन के पारिश्रमिक 4000 रूपिया ले बढ़ाके 5500 रूपिया कर दे गए हे। रामलला दर्शन योजना ले प्रभु श्री राम के दर्शन के लाभ प्रदेशवासी मन ल मिलत हे।
मुख्यमंत्री श्री साय ह दुलदुला म व्यवस्थित सामुदायिक भवन के निर्माण बर 1 करोड़ रूपिया के घोषणा करिन उमन दुलदुला म बस स्टैंड, मिनी इंडोर स्टेडियम, हायर सेकंडरी स्कूल के भवन अऊ दुर्गा पंडाल  बर 10 लाख रूपिया के मंजूरी के घोषणा करिन। अइसनहे मुख्यमंत्री ह सोकोड़ीपा म यादव समाज के भवन म बाउंड्रीवाल के निर्माण बर 15 लाख रूपिया, शारदा धाम बर जमीन, एंबुलेंस अऊ शव वाहन के घोषणा करिन।