- कोरोना संक्रमण ले बचाव के उपाय मन संग आन व्यवस्था मन के लीन जानकारी
- सोशल डिस्टेंसिंग, मास्क के उपयोग अऊ हाथ धोए जइसे सावधानी मन के होवय कड़ाई ले पालन
- सबो जेल मन के प्रवेश द्वार म सेनेटाईजर अऊ थर्मल स्केनर के व्यवस्था के निर्देश
- जेल के अधिकारी-कर्मचारी बाहिर वाले मन ले सामाजिक दूरी बनाए रखव
रायपुर, 07 अपरेल 2020। मुख्यमंत्री श्री भूपेश बघेल ह आज अपन निवास कार्यालय ले प्रदेश के जेल मन म परिरूद्ध बंदी मन अऊ जेल के अधिकारी मन ले वीडियो कॉन्फ्रेंसिंग म बातचीत करके उहां कोरोना संक्रमण के रोकथाम के उपाय मन संग आन व्यवस्था मन के जानकारी लीन। मुख्यमंत्री ह राजधानी रायपुर के केन्द्रीय जेल संग प्रदेश के पांच केन्द्रीय जेल, जिला अऊ उप जेल मन के अधिकारी मन अऊ बंदी मन ले बातचीत करिन। मुख्यमंत्री ह जेल म सोशल डिस्टेंसिंग मास्क के उपयोग अऊ बार-बार हाथ धोवइ जइसे सावधानी मन के कड़ाई ले पालन सुनिश्चित कराए ल कहिन। ये बेरा म गृह अउ जेल मंत्री श्री ताम्रध्वज साहू अऊ मुख्यमंत्री के अपर मुख्य सचिव श्री सुब्रत साहू घलोक वीडियो कॉन्फ्रेंसिंग म सामिल होइन।