योजना के सुभारंभ के दिन 27 किसान मन ह अपन भुइंया म लगाइन 8384 पउधा
महासमुंद, नेहा राठौर के खबर/ छत्तीसगढ़ सरकार के नवा महत्वाकांक्षी योजना मुख्यमंत्री वृक्ष सम्पदा योजना सुरू करे गए हे। एकर 21 मार्च, 2023 के विश्व वानिकी दिवस के अवसर म मुख्यमंत्री श्री भूपेश बघेल ह विधानसभा परिसर इस्थित अपन कारियालय कक्ष ले राज्य के जम्मो 33 ज़िल के 42 इस्थान म राज्य सरकार के ‘मुख्यमंत्री वृक्ष संपदा योजना’ के सुभारंभ करे रहिन हे। ए योजना ह गांव गंवई म वाणिज्यिक वृक्षारोपण ल बढ़ावा देके किसान मन के आय म बढ़ोतरी करे के उद्देश्य ले सुरू करे गए हे।
वन मंडल अधिकारी श्री पंकज राजपूत ह बतइस के मुख्यमंत्री वृक्ष सम्पदा योजना के अनतरगत महासमुंद जिला के कुल 534 किसान मन ह रकबा 576.410 एकड़ म 2,82,952 पउधा लगाए ब सहमति दिए हे। योजना के सुभारंभ के दिन 21 मार्च 2023 के विश्व वानिकी दिवस के अवसर म कुल लक्ष्य म के सिंचित स्थल म 27 किसान मन के के 26.790 एकड़ भुइयां म मिलिया डुबिया, टिशु कल्चर बांस, टिशु कल्चर सागौन, क्लोनल नीलगिरी, चंदन अउ कई प्रकार के इसने आर्थिक रूप ले लाभकारी 8384 पउधा रोपित करे गए रहिस हे।
छत्तीसगढ़ सरकार ए नवा फायदा वाले योजना के तहत सब वर्ग के जम्मो इच्छुक भूमि स्वामी, शासकीय, अर्द्धशासकीय अउ शासन के स्वायत्त संस्था, निजी शिक्षण संस्था, निजी ट्रस्ट, गैर शासकीय संस्था, पंचायत अउ भूमि अनुबंध धारक ए योजना के लाभ ले सकत हे। ए योजना के अनतरगत हितग्राही के निजी भूमि म 05 एकड़ तक रोपण करे ब 100 प्रतिशत अउ 05 एकड़ ले जादा भुइयां म रोपण करे ब 50 प्रतिशत वित्तीय अनुदान शासन कोती हितग्रही ल दिए जाही। राज्य शासन ज ए योजना के माध्यम ले हर बछर 36,000 इकड़ के मान ले कुल 05 बछर म1,80,000 इकड़ म 15 करोड़ पउधा के रोपण करे के लक्ष्य राखे गए हे। शासन कोती ले छांटे गए रूख के प्रजाति के खरीदी करे ब हर बछर कम ले कम खरीदी मूल्य निरधारन करे जाही, जेकर सेती किसान मन निस्चित रूप ले फायदा हो सकए।
