मुख्यमंत्री शहरी स्लम स्वास्थ्य योजना : संसदीय सचिव श्रीमती अम्बिका सिंहदेव ह मोबाइल मेडिकल यूनिट ल हरीयर झण्डी देखा के करिस रवाना

कोरिया, मुख्यमंत्री शहरी स्लम स्वास्थ्य योजना के तहत अब जिला के सबो नगरीय निकाय म जनसामान्य के घर तक स्वास्थ्य सुविधा पहुंचही। ज़िला के सबो नगरीय निकाय म मुख्यमंत्री शहरी स्लम स्वास्थ्य योजना के विस्तार करे जात हे। इही कड़ी म शासन के फ्लैगशिप स्वास्थ्य योजना के तहत मोबाइल मेडिकल यूनिट के माध्यम ले मनखे मन तक स्वास्थ्य सुविधा पहुंचाए के उद्देश्य ले जिला म योजना के दूसर चरण के अंतर्गत नगर पालिका परिषद बैकुण्ठपुर म संसदीय सचिव अउ बैकुण्ठपुर विधायक श्रीमती अम्बिका सिंहदेव ह मोबाइल मेडिकल यूनिट ल हरीयर झंडी देखा के रवाना करिस। ये एमएमयू नगर पालिका परिषद बैकुण्ठपुर के जम्‍मो वार्ड के संगे संग नगर पालिका परिषद शिवपुर-चरचा म घलोक स्वास्थ्य सुविधा मुहैया कराही। ये दौरान नगर पालिका परिषद अध्यक्ष श्रीमती नविता शिवहरे, उपाध्यक्ष श्री आशीष यादव, अउर समस्त वार्ड पार्षद उपस्थित रहिन।