मुख्यमंत्री शहरी स्लम स्वास्थ्य योजना ले दू लाख ले जादा मनखे होइन लाभान्वित

रायगढ़, राज्य शासन कोति ले स्वास्थ्य सुविधा के पहुंच मनखे मन तक आसान बनाए के दूरगामी सोच के परिणाम हे कि मुख्यमंत्री शहरी स्लम स्वास्थ्य योजना चालू होय म एकर सकारात्मक परिणाम घलोक देखे ल मिलत हे। जानबा हे कि रायगढ़ जिला के सात विकासखंड के नगरीय निकाय मन म एमएमयू के माध्यम ले स्वास्थ्य सुविधा मन ल मनखे मन के दुवारी तक पहुंचाए के काम करे जात हे। अब मनखे मन ल इलाज बर हॉस्पिटल जाए ल नइ परत हे अउ समय के बचत घलोक होवत हे। उहें एमएमयू के माध्यम ले दवइ घलोक बड़ आसानी ले मिलत हे।
शासन के मुख्यमंत्री स्लम स्वास्थ्य योजना ले जिला के करीबन 2 लाख ले जादा मनखे ल इलाज के सुविधा ले गे हे, ए एमएमयू म उपचार के संग दवइ अऊ कई प्रकार के लैब टेस्ट के सुविधा उपलब्‍ध हे। जेखर लाभ जनसामान्य ल मिलत हे। एमएमयू के माध्यम ले जिला के रायगढ़, घरघोड़ा, खरसिया, धरमजयगढ़, लैलूंगा, पुसौर अउर किरोड़ीमल नगर निकाय मन म निरधारित कार्य दिवस के मुताबिक एमएमयू के संचालन करे जात हे। जिला के कुल 01 लाख 96 हजार 368 मनखे मन ह घर पहुंच स्वास्थ्य सेवा के लाभ लेहे हें। 1 लाख 83 हजार 319 मनखे दवा के लाभ लेहे हे। अइसनहे 69 हजार 285 मनखे लैब टेस्ट के सुविधा ले लाभान्वित होए हें।