- प्रदेश के 1,369 शहरी स्लम्स म मोबाइल मेडिकल टीम कोति ले निःशुल्क जांच, उपचार अउ दवा वितरण
- मलेरिया, एचआईव्ही, मधुमेह, एनिमिया, टीबी, कुष्ठ, उच्च रक्तचाप, नेत्र विकार अउ गर्भवती महिला मन के जांच के संगेच लइका मन के टीकाकरण
रायपुर, मुख्यमंत्री शहरी स्लम स्वास्थ्य योजना के अंतर्गत पाछू तीन महीना म 73 हजार ले जादा मनखे मन के इलाज करे गए हे। प्रदेश के सबो 13 नगर निगम मन के कुल एक हजार 369 स्लम्स म स्वास्थ्य विभाग के मोबाइल मेडिकल टीम ह पहुंचके मनखे मन ल निःशुल्क उपचार, चिकित्सा परामर्श अउ दवई देहे हे। स्लम क्षेत्र मन म आयोजित शिविर मन म मलेरिया, एचआईव्ही, मधुमेह, एनिमिया, टीबी, कुष्ठ, उच्च रक्तचाप, नेत्र विकार अउ गर्भवती महिला मन के जांच के संगेच लइका मन के टीकाकरण घलोक करे जात हे।
मुख्यमंत्री शहरी स्लम स्वास्थ्य योजना के तहत पाछू तीन महीना अकटूबर, नवम्बर अऊ दिसम्बर म कोरबा नगर निगम म 17 हजार 684, रायपुर म 14 हजार 712, भिलाई म सात हजार 013, राजनांदगांव म छह हजार 977, अंबिकापुर म पांच हजार 688, दुर्ग म पांच हजार 594, रायगढ़ म चार हजार 656, जगदलपुर म तीन हजार 066, भिलाई-3-चरोदा म दो हजार 609, बीरगांव म दो हजार 222, धमतरी म एक हजार 676, बिलासपुर म एक हजार 402 अऊ चिरमिरी नगर निगम म एक हजार 035 मनखे मन के निःशुल्क इलाज करे गए हे।
नगर निगम वाले 13 शहर मन के स्लम क्षेत्र मन म बीते तीन महीना म कुल चार हजार 887 मनखे मन के मलेरिया जांच करे गीस। शिविरों म छह हजार 618 मनखे मन के उच्च रक्तचाप, 19 हजार 274 मनखे मन के मधुमेह, 13 हजार 209 मनखे मन के रक्त-अल्पता (एनिमिया), दो हजार 123 मनखे मन के नेत्र विकार, 298 मनखे मन के टीबी, 347 मनखे मन के कुष्ठ अऊ एक हजार 477 मनखे मन के एचआईव्ही जांच करे गए हे। मोबाइल मेडिकल दल मन ह ये दौरान दू हजार 910 गर्भवती महिला मन के जांच अऊ 104 शिशु मन के टीकाकरण करे हें। डायरिया पीड़ित एक हजार 684 मरीज मन के उपचार घलोक स्लम्स म आयोजित ए शिविर मन म करे गए हे।