जशपुरनगर, मुख्यमंत्री ग्राम सड़क अऊ विकास योजना के तहत् छत्तीसगढ़ के अइसन जम्मो बसाहट जेन सामान्य क्षेत्र मन म 500 ले कम आबादी अऊ आदिवासी, पहाड़ी क्षेत्र मन म 250 ले कम आबादी वाले बसाहट मन ल मुख्य सड़क, बारहमासी सड़क ले जोड़े जात हे। छत्तीसगढ़ शासन के उददेश्य हे कि मनखे मन के आवागमन के सुविधा मन ल ध्यान म रखत सड़क मार्ग ल बेहतर करे जाए। एखर खातिर बारहमासी पक्की सड़क मन ले ग्रामीण जनता ल जोड़ के आवागमन के सुविधा प्रदान करना हे।
इही कड़ी म पत्थलगांव विकासखण्ड के ग्राम बनगांव बी पारा बाड़ीबथान एन.एच.43 सुकबासीपारा राईसमिल ले बाडी तक लंबाई 1.30 किमी. सड़क के निर्माण करे गीस। संगेच ग्राम पाकपानी म शासकीय प्रा.शा. ले चारपारा होत प्रा.शा.पाकपानी कैराकछार पक्की सड़क लंबाई 1.99 किमी. सड़क के निर्माण करे गए हे।
जानबा हे कि साल 2019-20 अऊ 2021 तक योजना अंतर्गत 10 सड़क स्वीकृत हे। जेमें ले 4 सड़क पूरा कर ले गए हे। पूरा सड़क मन ले कुल 08 बसाहट लाभांवित होए हे जिंकर जनसंख्या करीबन 5851 हे। पक्की सड़क मन के बने ले ग्रामीण क्षेत्र मन म आवाजाही बर सड़क मिल गए हे। सड़क बन जाय ले गांव वाले मन ल अपन व्यक्तिगत काम अऊ ग्राम पंचायत ले संबंधित काम करे म आसानी होवत हे। संगेच समय के घलोक बचत होवत हे।
मुख्यमंत्री ग्राम सड़क योजना के तहत् सड़क मन के जाल बिछाए जात हे
