छत्तीसगढ़ विजन डॉक्यूमेंट अउ माओवादी विरोधी अभियान के दीन जानकारी
रायपुर, 25 जून 2024। मुख्यमंत्री श्री विष्णुदेव साय ह आज प्रधानमंत्री श्री नरेंद्र मोदी ले संसद भवन म मुलाकात करिन। ए मौका म उमन श्री नरेंद्र मोदी ल तीसरइया पईत प्रधानमंत्री बने म बधाई दीन।
मुलाकात के समय मुख्यमंत्री श्री साय ह प्रधानमंत्री ल अमृतकाल : छत्तीसगढ़ विजन @2047 ‘विजन डॉक्यूमेंट’ के बारे म जानकारी देवत बताइन के एकर निर्माण राज्य नीति आयोग ह करत हे जेन ल एक नवंबर के राज्य के जनता ल समर्पित करे जाही।
मुख्यमंत्री ह पाछू छै महिना म माओवादी विरोधी अभियान म करे गए कार्रवाई के जानकारी घलोक प्रधानमंत्री ल दीन। उमन बताइन के माओवादी समस्या के समूल उन्मूलन बर ज्वाइंट एक्शन प्लान तैयार करके कार्रवाई करे जात हे।
नियद नेल्लानार योजना (आपका अच्छा गाँव) के बारे म जानकारी देवत मुख्यमंत्री ह बताइस के ए योजना के तहत नक्सली मन के आधार ल कमजोर करे अउ शासन-प्रशासन अउ गांव वाले मन के बीच आपसी विश्वास बहाली के काम करे जात हे। ए योजना के तहत अभी हाल म 23 कैंप खोले गए हे, जेमें 90 ग्राम सामिल हे अउ भविष्य म 29 कैंप ल चालू करे के योजना हे।
श्री साय ह मोदी के गारंटी पूरा करे के दिशा म उठाए गए कदम के जानकारी देवत बताइन के नवा सरकार के गठन के बाद मंत्रिपरिषद के पहली बैठक म ही प्रधानमंत्री आवास योजना (ग्रामीण) के तहत 18 लाख 12 हजार 743 परिवार ल आवास देहे के निर्णय लेहे गीस। अभी हाल म 1 लाख 6 हजार 777 आवास निर्माणाधीन हे, जकर स्वीकृति पहिली के हे।
मुख्यमंत्री ह बताइस कि धान उत्पादन प्रोत्साहन योजना अंतर्गत किसान मन ल साल 2014-15 अउ साल 2015-16 बर 3 हजार 667 करोड़ के राशि दे गए हे। उहें, कृषक उन्नति योजना के तहत साल 2023 बर कुल 24 लाख 73 हजार किसान मन ल 13 हजार 287 करोड़ के राशि के भुगतान करे गए हे।
मुख्यमंत्री ह बताइस कि राज्य म महिला मन के आर्थिक स्वावलंबन अउ सशक्तिकरण ल बढ़ावा देहे बर महतारी वंदन योजना शुरू करे गए हे। ए योजना के तहत अब तक लगभग 70 लाख महिला मन ल चार महिना के वित्तीय सहायता 2618 करोड़ रु. के राशि देहे गए हे।
प्रधानमंत्री ल श्रीरामलला दर्शन योजना के बारे म बतात श्री साय ह कहिन कि एखर बर आईआरसीटीसी के संग एमओयू करे गए हे। ए योजना के तहत हर साल 20 हजार यात्री मन ल यात्रा कराए के लक्ष्य हे।
