मुख्यमंत्री युवा स्वरोजगार योजना ले होइस रज्जू के अमदानी म इजाफा

बेमेतरा, प्रदेश सरकार कोति ले युवा मन ल खुद के रोजगार देवाए बर मुख्यमंत्री युवा स्वरोजगार योजना बछर 2020-21 म लागू करे गए हे। जिला व्यापार अऊ उद्योग केन्द्र बेमेतरा के महाप्रबंधक ह बताइस के बेमेतरा जिला के विकासखण्ड साजा के बिरमपुर गांव निवासी रज्जू नायक 12 वीं के पढ़ाई करे के बाद सब्जी बेचे के काम करत रहिस। सब्जी व्यवसाय म आय कम होए के सेती ओ हर फैंसी अऊ जनरल स्टोर शुरू करे के सोंचिस। स्वरोजगार शुरू करे बर शासन ले सहयोग के पाए बर ओ हर उद्योग विभाग बेमेतरा म संपर्क करिस। जिहां वोला मुख्यमंत्री युवा स्वरोजगार योजना के बारे म जानकारी मिलिस अऊ सबो कागद जमा करे के बाद कार्यालय ह रज्जू नायक के प्रोजेक्ट रिपोट बना के आवेदन पूरा कराए गीस। भारतीय स्टेट बैंक साजा ले 80 हजार के करजा देहे गीस अऊ शासन ले 20 हजार रूपिया के अनुदान प्राप्त होइस।
रज्जू नायक ह बताईस के विभाग कोति ले उद्यमिता विकास के प्रशिक्षण घलोक दे गीस, जेखर से लॉकडाऊन के उलट हालत म घलोक मोला अपन व्यवसाय स्थापित करे म बहुत सहयोग मिलीस। ये प्रकार ले मोर गुजर बसर बने सहिन होवत हे।