पुरखा मन के देखे छत्तीसगढ़ के विकास के सपना होइस पूरा: श्री भूपेश बघेल

मुख्यमंत्री के जन्मदिन के अवसर म महुदा म कार्यक्रम

रायपुर, “हमार पुरखा मन ह समृद्ध छत्तीसगढ़ के जेन सपना देखे रहिन। ओला पूरा करे खातिर हम उदीम करत हन। खेती किसानी अऊ समाज के हर वर्ग के मनखे मन के बेहतरी बर लाए गए योजना मन के जमीनी स्तर म क्रियान्वयन ले छत्तीसगढ़ म समृद्धि दिखत हे। हर जन्मदिन म पाटन के मनखे मन ले अऊ छत्तीसगढ़ प्रदेश के मनखे मन ले अड़बड़ मया मिलथे। आप मन के मया ले हमला ऊर्जा मिलथे अऊ हम प्रदेश के बेहतरी बर योजना बनाथन, जेखर लाभ प्रदेश के समृद्धि के रूप म दिखत हे।” मुख्यमंत्री श्री भूपेश बघेल ह ये संदेश महुदा म आयोजित सम्मेलन म दीन।